Müxtəlif tarixi dövrlərdə Azərbaycan qadını daim öz mübarizliyi, əzmi, sədaqəti, cəsarəti ilə seçilmişdir. Xüsusilə müstəqil Azərbaycan Respublikası yaradıldıqdan sonra qadınlarımızın milli dövlət quruculuğu sahəsindəki fəallığı təqdirəlayiqdir. Şərqdə ilk demokratik Respublika olan Azərbaycan Xalq Cümhuriyyəti dövründə qadınlara seçmək və seçilmək hüququnun verilməsi qadınlarımızın içtimai həyatda fəaliyyətinin genişlənməsinə şərait yaratmışdır. Azərbaycan qadını həm tam sürətlə dövrün tələbinə uyğun olaraq maariflənmiş həm də milli-mənəvi dəyərlərimizə sadiq qalmağı bacarmışdır. Dövründən aslı olmayaraq “Azərbaycan qadını” ifadəsi işlədildikdə hər kəsin ağlında mərd, sədaqətli, milli dəyərlərimizə bağlı, müdrik qadın obrazı yaradılır.

Qadınların dövlətin idarə olunması prossesində ön plana çəkilməsi xüsusilə Ulu Öndər Heydər Əliyevlə bağlı olmuşdur. Həmçinin müasir dövrdə Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban xanım Əliyevanın fəaliyyəti, xeyriyyəçilik tədbirləri, humanitar layihələri Azərbaycan qadının nüfuzunu daha da ucaldır

Hazırda Azərbaycanda qadın hüquqlarının müdafiyə olunması, təbliğ olunması, qadınların dövlət siyasətinin həyata keçirilməsində, dövlət idarəetmə orqanlarında və qanunların qəbul edilməsində iştirakının artırılması dövlət siyasətinin ayrılmaz tərkib hissəsidir. Buna nəzarət etmək üçün bir sıra dövlət orqanları da yaradılmışdır. Ancaq bu diqqət və qayğı xüsusi bir gündə daha da ön planda və qabarıq olur. Hər il “8 mart” beynəlxalq qadınlar gününün Azərbaycanda yüksək səviyyədə qeyd olunması qadınlarımıza verilən dəyərin bariz nümunəsidir.

Bakıxanov qəsəbəsi, 72 nömrəli məktəb-liseyin

tarix müəllimi Damla Həsənzadə