Prezident İlham Əliyev, XIII Qlobal Bakı Forumunda çıxış edərək, dünya fəsatlarının və münaqişələrinin dərinləşdiyi bir dövrdə, diplomatik yanaşmalara, təhlükəsizliyə və regional sabitliyə dair əhəmiyyətli fikirlərini paylaşdı. Forumda, münaqişələrin həlli yollarından, regional əməkdaşlığın vacibliyindən və Azərbaycanın qlobal təhlükəsizlik sistemindəki müstəsna rolundan bəhs edildi.
Çıxışının ilk hissəsində, Prezident Əliyev təhlükəsizlik və müdafiə məsələlərinin ümumilikdə bütün ölkələrin gündəliyində bir nömrəli prioritet olması gərəkdiyini vurğuladı. O, beynəlxalq aləmdə baş verən dəyişiklikləri və sair münaqişələrin təhlükələrini; siyasi, iqtisadi və sosial gücləri göstərərək, ölkələrin müstəqil və təhlükəsiz siyasətlər yürütmələrinin vacibliyini qeyd etdi.
Prezident Əliyev çıxışında, Ermənistanla münasibətlərin normallaşması prosesinə də diqqət yetirdi. O, sülh sazişinin yeddi ay əvvəl paraflandığını və birgə bəyanatın qəbul olunduğunu vurğuladı. Bu irəliləyişlərin yalnız kağız üzərində qalmadığını, eyni zamanda real siyasi iradə və strateji yanaşma ilə dəstəkləndiyini qeyd etdi.
Prezident İlham Əliyev, Azərbaycanın beynəlxalq dəhlizlərdəki əhəmiyyətini, Şərq-Qərb və Şimal-Cənub marşrutları üzrə əvəzolunmaz tərəfdaşlıq rolunu da önə çəkdi. O, ölkənin geosiyasi mərkəz olduğunu və bu mərkəzdəki aktivliyinin, regional iqtisadi inkişaf üçün vacib olduğunu bildirdi.
Regional təhlükəsizliyin, Azərbaycan üçün hər zaman bir nömrəli məsələ olduğunu qeyd edən Prezident, bu sahədə tədbirlərin artırılması və ölkənin geosiyasi mövqeyinin müstəqil şəkildə gücləndirilməsinin vacibliyini vurğuladı.
Çıxışında, Prezident Əliyev işğal olunmuş ərazilərin güc vasitəsilə azad edildiyini və bununla yanaşı, sülhün siyasi yollarla əldə edilməsinin də vacibliyini bildirərək, diplomatik və hərbi yanaşmaların birləşdirilməsinin düzgün strategiya olduğunu qeyd etdi.
Prezident İlham Əliyev, sülhün tədricən əldə edilməsi üçün dırnaqarası vasitəçilikdən imtina etmələrinin vacibliyini vurğuladı. O, ikitərəfli formatda – heç bir üçüncü tərəf olmadan fəaliyyətə başlamağın, sülhün əldə olunmasında mütləq üstünlük təşkil etdiyini açıqladı.
Prezident, artıq sülhün üstünlüklərini görməyə başladığımızı, regional əməkdaşlıq və təhlükəsizliyin artırılması üçün bunun mühüm bir şərait yaratdığını bildirdi. O vurğuladı ki, sülh və sabitlik, iqtisadi inkişafın əsas şərtlərindən biridir.
Çıxışı boyunca, Prezident Əliyev enerji təhlükəsizliyinin ölkələrin milli təhlükəsizliyindəki rolunu da qeyd etdi. O, enerji resurslarının müstəqil və etibarlı şəkildə idarə olunmasının, regional sülhün və sabitliyin təmin edilməsi üçün vacib olduğunu vurğuladı.
Bu çıxış, Prezident İlham Əliyevin irəliləməyə və inkişaf etməyə yönəlmiş strategiyalarının, beynəlxalq aləmdə Azərbaycanı daha da gücləndirmək yolunda atılan addımlardan biri olduğunu göstərir.
Bakıxanov qəsəbəsi, İlqar Əliyev adına 96 nömrəli tam orta ümumtəhsil məktəbinin direktoru Mehriban Hacıyeva
