ABŞ dövlət katibi Con Kerrinin Suriya müxalifəti ilə görüşünün səs yazısı yayılıb.

Səs yazısını mətbuata "Wikileaks" saytı ötürüb.

Səs yazısında Kerrinin suriyalı müxaliflərlə 37 dəqiqəlik görüşü əks olunub.

Bildirilir ki, Con Kerri görüşdə Bark Obamanı Suriyaya hərbi müdaxilə üçün razı sala bilmədiyini deyib.

"Obama İŞİD-in güclənməyini kənarda izləməyə üstünlük verir. Bununla Obama Bəşər Əsədi ABŞ-la müzakirə masasına otuzdurmaq istəyir. İŞİD böyüdükcə Əsədə qarşı təhdidlər artırdı".

Dövlət katibi Obamanın bu siyasətinin bir fayda vermədiyini deyib.

"Biz Əsədin ABŞ-a kömək üçün müraciət edəcəyini gözləyirdik. Amma Əsəd bizim əvəzimizə Rusiyanı seçdi. O, Putinlə razılığa gəldi".

Qeyd edək ki, bu səs yazısının bir hissəsi ötən ilin iyulunda yayılmışdı. Amma konqres səs yazısına qadağa qoymuşdu.