Azərbaycan öz müstəqilliyini elan etdikdən sonra xarici siyasətdə əsas məsələlərdən biri qonşu və digər dövlətlərlə yaxın siyasi, iqtisadi və diplomatik münasibətlərin qurulması olmuşdur. Əksər qonşu dövlətlərlə yaxın əməkdaşlığın qurulmasına baxmayaraq Ermənistanın əsas məqsədi Azərbaycanın ərazi bütövlüyünü pozmaq və işğal etmək olmuşdur. 30 ilə yaxın Ermənistanın işğalı altında olan Azərbaycan bu müddət ərzində müharibəni sülh yolu ilə həll etməyə çalışmışdır. Ancaq Ermənistan və havadarları heç bir sülh təklifini qəbul etməmişdir. Ərazi bütövlüyünün tanınması və hörmət edilməsi daim bizim qırmızı xəttimiz olmuşdur.
Qarabağ məsələsini sülh yolu ilə həll etmək üçün fəaliyyətə başlayan ATƏT-in Minsk qurupu 30 ilə yaxın fəaliyyət göstərsə də heç bir nəticə əldə edilməmişdir. Azərbaycan öz mövqeyini hər zaman ortaya qoyaraq Qarabağ məsələsinin sülh yolu ilə həll edilməsə hərbi yolla həll ediləcəyini bildirmişdir. 44 Günlük Vətən müharibəsində Azərbaycan ədaləti bərpa etdi. Bu bizim haqq zəfərimiz idi. Tarixi ədalət bərpa edildi. Azərbaycan ərazi bötüvlüyünü bərpa etməsinə baxmayaraq Ermənistan tərəfi hələ də sülh müqaviləsi imzalamaqdan imtina etmişdir.
Avqust ayının 8- də Vaşinqtonda baş verən hadisələr uzun müddət davam edən qarşıdurmanın sonu demək idi. Bu sənədlər Ermənistanın adından Ermənistanın lideri tərəfindən imzalanıb. Bu sənədin əsas mahiyyəti ondan ibarətdir ki iki qonşu dövlət bir-birinin ərazi bütövlüyünü tanıyır.
Azərbaycan tarixən uzun əsrlər boyu işöallara məruz qalmışdır. Bu işğalların XXI əsrə kimi davam etməsi hüquq normaların pozulması idi. Azərbaycan bu hüququ bərpa etdi. Ermənistanın Azərbaycanın ərazi bütövlüyünü tanıması iki dövlət arasında gələcəkdə normal qonşuluq münasibətlərinin qurulmasına şərait yaradır.

Bakıxanov qəsəbəsi, 72 nömrəli məktəb-liseyin
tarix müəllimi Damla Həsənzadə