Bu mərhələdə komandamızın rəqibi Fransanın “Lill” klubu olacaq

Futbol üzrə Avropa Liqasının II təsnifat mərhələsinin cavab qarşılaşmaları keçirilib.

Paytaxtın “Bakcell Arena” stadionunda “Qəbələ” klubu Macarıstanın MTK komandasını qəbul edib və 2:0 hesablı qələbə qazanıb.

Matçda hesabı 7-ci dəqiqədə Sergey Zenyov açıb. Qarşılaşmanın 37-ci dəqiqəsində Teo Uiks “Qəbələ”nin üstünlüyün iki topa çatdırıb.

Xatırladaq ki, bu komandalar arasında Macarıstanda keçirilən ilk oyunda Roman Qriqorçukun yetirmələri 2:1 hesabı ilə qələbə qazanmışdılar.

İki oyunun nəticəsinə görə (4:1) “Qəbələ” Avropa Liqasının III təsnifat mərhələsinə vəsiqə əldə edib.

Bu mərhələdə komandamızın rəqibi Fransanın “Lill” klubu olacaq.