“Siz azadlığa buraxılırsınız və ölkənin qanunlarına riayət etməlisiniz”

Zimbabvedə həbsxana çatışmazlığı səbəbindən iki minə yaxın məhbus azadlığa buraxılıb.

Ömürlük həbs cəzasına məhkum edilən iki qadın istisna olmaqla, amnistiyaya 18 yaşdan kiçik bütün məhbuslar və bütün qadın məhbuslar düşüb.

Bundan əlavə, ölümcül xəstələr, həmçinin 3 ildən az müddətə məhkum edilmiş və cəzalarının ən azı dörddə bir hissəsini çəkmiş şəxslər azadlığa buraxılıb.

“Siz azadlığa buraxılırsınız və ölkənin qanunlarına riaəyət etməlisiniz. Bu amnistiyadan istifadə etmək lazım deyil”, - Zimbabve İslah müəssələrinin nümayəndəsi Prisçilla Mtembo deyib.

Nəşr qeyd edir ki, qətl, dövlətə xəyanət, zorakılıq və silahlı hücum maddələri ilə məhkum olunmuş bütün məhbuslar azadlığa çıxmaq imkanından məhrum ediliblər.