Britaniya Geoloji Xidmətinin məlumatına görə, bu gün, yəni aprelin 9-da maqnit qasırğası gözlənilmir və günəş küləyinin sürəti fon səviyyəsində qalmaqdadır.

Artıq sabahdan etibarən vəziyyət dəyişəcək və geomaqnit sahəsində aktivlik artacaq.

Proqnozlara əsasən, 10-11 aprel tarixlərində Günəşdəki koronal dəliyin təsiri nəticəsində günəş küləyinin güclənməsi gözlənilir ki, bu da G1 səviyyəli zəif geomaqnit qasırğasına səbəb olacaq.

G1 səviyyəli qasırğalar zəif hesab olunur və texnologiyanın işinə demək olar ki, təsir göstərmir.

Lakin bu təbiət hadisəsi meteohəssas insanlarda səhhətin bir qədər pisləşməsinə - baş ağrısı, yorğunluq və yuxu problemlərinə yol aça bilər.