Ötən gün Türkiyə-Avstriya millilərinin qarşılaşmasını izləyənlərdən biri də prezident Rəcəb Tayyib Ərdoğan olubƏrdoğan matçı ABŞ-a səfərə gedərkən təyyarədə izləyib. Toplantı masası arxasında oyunu prezidentdən başqa, digər dövlət rəsmiləri də izləyiblər.
Dövlət rəsmilərinin təyyarədə futbol keyfini əks etdirən video internetdə də yayılıb. Ərdoğanın Hakan Çalhanoğlunun qoluna sevinci diqqətdən qaçmayıb.
"Avro 2016" çempionatı öncəsi yoxlama oyunu Avstriyada baş tutub. Matç 2:1 hesabı ilə Türkiyənin xeyrinə bitib. Türk millisinə qələbə qazandıran ikinci qolun sahibi isə Arda Turan olub. İlk qol oyunun 43-cü dəqiqəsində vurulub.
Türkiyə prezidenti futbola olan marağı ilə seçilir. R.T.Ərdoğan özü də gənclik illərində futbolçu kimi bir çox oyuna çıxıb. Ərdoğan 1970-ci illərdə öz doğma rayonu Kasımpaşada həvəskar futbol klubunun hücumçusu olub. Hətta bəzi məlumatlara görə, "Fənərbağça" klubu onunla maraqlansa da Ərdoğanın atası icazə verməyib. Ərdoğan indi də futbol oynamağı sevir. O, 2014-cü ildə paytaxt Ankarada yeni stadionun açılışı zamanı 15 dəqiqə ərzində "het-trik" nümayiş etdirib.
