Qolla hücumçu Antuan Qrizmann fərqlənib“Real” futbol klubu yeni baş məşqçi Zinəddin Zidanın dövründə İspaniya çempionatının 26-cı turunda öz yerində “Atletiko”ya məğlub olaraq, ilk dəfə uduzub.
“Santyaqo Bernabeu” stadionunda keçirilən oyun qonaqların xeyrinə 1:0 hesabı ilə başa çatıb.
Qolla hücumçu Antuan Qrizmann (53-cü dəqiqə) fərqlənib. Buna qədər 24 yaşlı futbolçu dalbadal beş oyun qol vurmamışdı.
Zidan cari ilin 24 yanvarında “Real”ın baş məşqçisi təyin olunub. Bu vəzifədə 43 yaşlı mütəxəssis qeyri-qənaətbəxş nəticələrə görə tutduğu vəzifədən azad edilmiş ispan Rafael Benitası əvəz edib.
Zidanın məşqçiliyi dövründə “Real” İspaniya çempionatında yeddi, Çempionlar liqasında isə bir görüş keçirib. Bu zaman Madrid klubu 6 oyunda qələbə çalıb və iki oyunu heç-heçə başa vurub.
