“Bu, valideynlər üçün əsl kabusdur”

Kanadanın Saskaçevan əyalətində məktəbdə atışma zamanı beş nəfər ölüb, iki nəfər ağır yaralanıb, bu barədə Kanadanın baş naziri Castin Tryüdon Davos İqtisadi Forumunda bəyan edib, Reuters məlumat yayıb.

Lenta.ru xəbər verir ki, hökumət başçısı faciənin səbəbini açıqlaya bilməyib.

“Aydındır ki, bu, valideynlər üçün əsl kabusdur”, - o deyib.

Tryüdonun mətbuat xidməti baş nazirin həlak olanların qohumlarına və yaxınlarına başsağlığını dərc edib. Bəyanatda həmçinin cinayətin araşdırılmasına dair operativ rejimdə informasiya aldığı da qeyd edilib.

Atışma yanvarın 22-də Kanadanın şimali-qərbində yerləşən Saskaçevan əyalətinin ucqar La-Loş qəsəbəsində baş verib.

CBC telekanalı şahidlərin sözlərinə istinadən ən azı altı-yeddi atəşin açıldığı barədə məlumat yayıb.

İlkin məlumata görə, atəşi şagirdlərdən bir açıb, o saxlanılıb.

Şübhəli şəxsin kimliyi müəyyənləşdirilir.