Filippin dövlət başçısı Rodrigo Duterte ABŞ-ı hədələyib.Prezident çox silahı olan bir dostu olduğunu vurğulayaraq əzələ nümayiş etdirib. ABŞ-ın Dutertenin bu bəyanatına nə cavab verəcəyi maraqla gözlənilir.
Perunun paytaxtı Limada Asiya Sakit oken İqtisadi əməkdaşlıq (APEC) təşkilatının zirvə toplantısında Rusiya prezidenti Putin ilə görüşən Duterte eyni zamanda Rusiya və Çin ilə münasibətlərin inkişafından danışıb.
Putindən heç bir şey tələb etmədiyini, sadəcə dost olmaq istədiyini bildirən Filippin prezidenti: "Filippin təkcə bir neçə dövlətlə qonşu deyil, eyni zamanda dünyanın digər dövlətləri ilə də münasibət qurmaq istəyir. Bütün dövlətlərlə ticarət və diplomatik əlaqələr qurmaq məcburiyyətindəyik", deyib.
