ƏƏSMM yanında Dövlət Tibbi-Sosial Ekspertiza və Reabilitasiya Xidməti Azərbaycan Prezidentinin 16 mart 2015-ci il tarixli Fərmanına əsasən yaradılıb. Xidmətin yaradılmasında məqsəd əhaliyə göstərilən tibbi-sosial ekspertiza və reabilitasiya xidmətinin təkmilləşdirilməsi, əlilliyin müəyyən olunması və tibbi-sosial reabilitasiya sahəsində idarəetmə mexanizminin çevik və səmərəli təşkilinin təmin olunmasıdır.

Son zamanlar ayrı-ayrı xəbər portallarında Sabunçu rayonu, Tibbi-Sosial Ekspertiza Komissiyasının müdiri Vahid İbrahimov haqda müxtəlif səpkili, böhtan xarakterli yazılar dərc olunur. qanuninfo.az-nın aldığı məlumata görə, bütün bunlar Respublikamızın bütün bölgələrində olduğu kimi, Sabunçu rayonu, Tibbi-Sosial Ekspertiza Komissiyasında da görülən işlərə kölgə salmaq və mövcud sosial sabitliyin pozulmasına yönəlmiş qərəzli hərəkətlərdən başqa bir şey deyildir. Çünki qısa bir zaman kəsiyində ölkəmiz yüksək inkişaf həddinə çatıb. Bunun bariz nümunəsi kimi Sabunçu rayonu, Tibbi-Sosial Ekspertiza Komissiyasının müdiri Vahid İbrahimov də öz bacarığı, təşkilatçılığı və insani keyfiyyətləri ilə nəsimililərin hörmət və rəğbətini qazanıb. Məntiqi olaraq Sabunçu rayon Tibbi Sosial Ekspertiza Komissiyası rəhbərliyi haqqında ayrı-ayrı şəbəkələrdə gedən, heç bir fakta söykənməyən yazılar hər kəsdə təəssüf və ikrah hissi doğurur.

Xidmət əlilliyi olan şəxslər üçün cəmiyyət həyatının bütün sahələrində iştirak etmək imkanının, öz fərdi qabiliyyət və maraqlarına müvafiq surətdə dolğun həyat sürməsinə kömək göstərən lazımi şəraitin yaradılması, əlilliyi doğuran səbəblərin aradan qaldırılması, əlilliyi olan şəxslərin reabilitasiyası sahəsində dövlət siyasətinin hazırlanmasında iştirak edir və həmin siyasəti həyata keçirir. Tibbi-sosial ekspert komissiyaları vasitəsilə tibbi-sosial ekspertiza keçirərək, əlilliyinin qiymətləndirilməsi əsasında şəxsin sosial müdafiə tədbirlərinə ehtiyaclarını müəyyən edən Xidmət əlilliyi olan şəxslərin reabilitasiyası ilə bağlı müvafiq proqramların hazırlanması və həyata keçirilməsini təmin edir.

Əlillik müayinələrinin elektron göndəriş formaları ümumi elektron informasiya sisteminə inteqrasiya edilir.

Tibbi-sosial ekspert komissiyaları tərəfindən əlillik müayinələri məhz elektron göndəriş formaları əsasında aparılır və bu formaların təkmilləşdirilməsi, ümumi elektron informasiya sisteminə inteqrasiyası sahəsində işlər görülür.

Təmiz insanları ləkələmək üçün sifarişli yazılar yazanlar unutmasınlar ki, Sabunçu rayon sakinləri ağı qaradan seçməyi yaxşı bacarır. Dövlətçiliyə sadiq məmurlara ləkə vurmaqla onları tutduqları düz yoldan çəkindirmək olmaz. Çünki atalar demişkən, "yalan ayaq tutar, ancaq yeriməz". İnsanlar yazılanlarla olanları müqayisə edib şəbəkələrdə təkcə Sabunçu rayonu, Tibbi-Sosial Ekspertiza Komissiyasının müdiri Vahid İbrahimov haqqında deyil, başqa Tibbi Sosial Ekspertiza Komissiyası haqqında da gedən yalan və böhtanla dolu yazılara inanmırlar.