Səudiyyə Ərəbistanı Fələstin dövləti qurulmadan İsraillə əlaqələr qurmayacaq.Belə bir bəyanatla Səudiyyə Ərəbistanının xarici işlər naziri Feysəl bin Fərhan Fələstin probleminin sülh yolu ilə həllinin tapılması və Birləşmiş Millətlər Təşkilatında (BMT) iki dövlət həllinin həyata keçirilməsinə dair Yüksək Səviyyəli Beynəlxalq Konfrans çərçivəsində mətbuat konfransında çıxış edib.
Nazir Bin Fərhan bildirib ki, münaqişəyə son qoymağın və Fələstin dövlətinin yaradılmasının vaxtı çatıb.
“Fələstin və İsrail arasında sülh hərtərəfli regional sülhə nail olmaq üçün əsas qapıdır. Bölgədə təhlükəsizlik və sabitlik Fələstin xalqı üçün ədalətin təmin edilməsi, onlara qanuni hüquqlarının verilməsi ilə başlayacaq”, - o qeyd edib.
