Rəsmi Moskva ABŞ və Gürcüstanın birgə təlimlərini təxribat adlandırıb

Rəsmi Moskva ABŞ və Gürcüstanın birgə təlimlərini təxribat adlandırıb ““Noble Partner 2016” regionda hərbi-siyasi vəziyyəti şüurlu şəkildə laxlatmağa yönəlib”

Rəsmi Moskva 11-26 may tarixlərində Gürcüstanda keçiriləcək “Noble Partner 2016” hərbi təlimlərini təxribat kimi qiymətləndirib.

Bu barədə Rusiya XİN-in məlumatında deyilir.

“NATO hərbçilərinin müntəzəm olaraq Gürcüstan ərazisində peyda olması Cənubi Qafqaz regionunda hərbi-siyasi vəziyyəti şüurlu şəkildə laxlatmağa yönələn təxribatdır”, məlumatda vurğulanıb.

Qeyd edək ki, “Noble Partner” hərbi təlimləri Gürcüstanda ikinci dəfə keçirilir. Gürcüstan müdafiə nazirliyinin məlumatına əsasən, təlimlərdə 500 Gürcüstan, 650 ABŞ və 150 Böyük Britaniya hərbçisi iştirak edəcək. Təlimlərə ABŞ-ın C-130 tipli hərbi təyyarələri cəlb olunacaq.

Oxşar xəbərlər