Polis idarəsinin qarşısında terror aktı törədilib

Türkiyənin cənub-şərqində güclü partlayış nəticəsində bir polis əməkdaşı şəhid olub.

Anadolu agentliyi xəbər verir ki, partlayış Gaziantep Polis İdarəsinin binası qarşısında törədilib.

Hadisə nəticəsində daha 13 nəfərin yaralanıb. Onlardan 9-nun polis əməkdaşı olduğu bildirilir.

Partlayış baş verən əraziyə çoxlu sayda təcildi tibbi yardım maşınları göndərilib.

Partlayışdan sonra atəş səsləri eşidilib. Polis partlayışdan sonra şüşələri sınmış ağ rəngli bir avtomobili axtarır.