“Son məcəllə aztəminatlı əhali üçün və əhəmiyyətli dərəcədə sadələşdirilib”

Vergilər Nazirliyi 2015-ci ili uğurla başa vuracaq.

Bu sözləri Vergilər nazirinin birinci müavini Natiq Əmirov bu gün keçirilən mətbuat konfransında deyib.

“Dövlət büdcəsinin Vergilər Nazirliyinə aid olan gəlirlər hissəsi tamamilə icra olunacaq. Artıq 2015-ci ilin nəticələri göstərir ki, 2015-ci il dünyada baş verən iqtisadi mənzərənin dəyişməsi, neftin qiymətinin aşağı düşməsinə baxmayaraq, Prezident İlham Əliyevin iqtisadiyyatın diversifikasiyası və digər iqtisadi siyasət nəticəsində 2015-ci il üzrə yığılan vergilərin 70 faizdən çox hissəsi qeyri-neft sektorunun payına düşəcək ki, bu da dövlət büdcəsinin formalaşdırılmasında qeyri-neft sektorunun ildən-ilə artan xüsusi çəkisini göstərir”, - deyə nazirin birinci müavini deyib.

Nazir müavini həmçinin qeyd edib ki, Vergi Məcəlləsinə edilən son dəyişiklikləri vergi yükünün sadəcə azaldılması deyil, eyni zamanda bunu əhəmiyyətli azaldılması kimi başa düşmək olar.

“Son məcəllə aztəminatlı əhali üçün və əhəmiyyətli dərəcədə sadələşdirilib”, - deyə N.Əmirov bildirib.