Jurnalist Fərid Qasımlı Əhəd Abıyevlə bağlı yazılara aydınlıq gətirdi: "Mənə verilən məlumatlar yanlışdır..."

Jurnalist Fərid Qasımlı Əhəd Abıyevlə bağlı yazılara aydınlıq gətirdi: Bir neçə gün öncə mən 7gun.org saytında "Əhəd Abıyevlə Pərvin Abıyevanı hansı tellər bağlayır?" və "Əhəd Abıyev: "Onları vaxtı-vaxtında yemləyirəm"" başlıqlı məqalələr yazmışdım.

Öyrəndim ki, Əhəd Abıyev bu yazılara görə bizimlə könüllülük prinsipi əsasında əməkdaşlıq edən Cavid Şirəliyevi xüsusi ittiham qaydasında məhkəməyə verib. Jurnalist həmkarıımızın günahı olmadan məhkəməyə verilməsi məni narahat etdi.

Mən, yazıların müəllifi olaraq bir daha araşdırma apardım və məlum oldu ki, Əhəd Abıyev barəsində deyilənlər həqiqəti əks etdirmir. Mənə verilən məlumatlar yanlışdır və ara söhbətlərindən meydana çıxıb.

Məhz buna görə də mən Daşkəsən rayon İcra Hakimiyyətinin Başçısı Əhəd Abıyevdən üzr istəyirəm.

Hörmətlə,

Fərid Qasımlı

Oxşar xəbərlər