FİFA İngiltərənin paytaxtı Londonda ötən ilin ən yaxşılarını mükafatlandırır.
APA məlumatına görə, “Palladium” teatrında keçirilən “The Best” adlı tədbirdə müxtəlif nominasiyalarda ən yaxşılar bəlli olur.

Bütün digər nominasiyalar öz sahiblərinə təqdim olunduqdan sonra sıra ən çox gözlənilən mükafata çatıb.

İlin ən yaxşı kişi futbolçusu adına portuqaliyalı Kriştianu Ronaldo ("Real Madrid”, İspaniya), argentinalı Lionel Messi ("Barselona”, İspaniya) və braziliyalı Neymar (PSJ, Fransa) iddia edirdilər.
Qalibi açıqlamaq isə dünya futbolunun iki əfsanəsi Dieqo Maradona və Ronaldo Luis Nazarioya həvalə olunub. Onlara FİFA prezidenti Cianno İnfantino da qoşulub.

Ən çox səs toplayaraq digər iki rəqibini geridə qoyan Kristiano Ronaldo mükafata sahib çıxıb.