Türkiyənin "Beşiktaş" klubu Azərbaycana gələcək. Bu barədə klubun prezidenti Fikret Orman açıqlama verib.

"Bursaspor"un klub televiziyası olan AS TV-yə bağlanan Fikret Orman əvvəlcə Bursa təmsilçisi ilə şəhidlərin xatirəsinə həsr olunmuş yoldaşlıq oyunu ilə bağlı təklifə münasibət bildirib, daha sonra Azərbaycana gələcəklərini açıqlayıb:

"Belə bir təklifə görə, "Bursaspor"un prezidenti Ali Ay və azarkeşlərinə təşəkkür edirəm. Bu oyunun "Bursaspor"un stadionunda keçrilməsini istəyirik. Amma təbii ki, əvvəlcədən hazırlanmış proqramlar var. "Beşiktaş"ın Azərbaycanda özəl oyunu planlaşdırılıb. Hələ tarix dəqiqləşməyib. Həmin vaxta qədər Antalyada olacağıq".

///Qaynarinfo.Az