Nəsimi Rayon İcra Hakimiyyəti Başçısının 2 nömrəli Sahə İƏD üzrə nümayəndəliyində əsası Ümummilli lider Heydər Əliyev tərəfindən 1998-ci il iyun ayının 18-də qoyulmuş "İnsan Hüquqlarının Müdafiəsi" günüylə bağlı geniş tədbir keçirilmişdir. Tədbirdə Nəsimi Bələdiyyəsində və 2 nömrəli Sahə İƏD-də fəaliyyət göstərən işçi qrupları, təhsil, səhiyyə, mədəniyyət və sairə, eləcə də nümayəndəliyin ərazisində yaşayan ictimayyətin fəal üzvləri QHT və ÇƏCS iştirak etmişlər.
İclası giriş sözü ilə ev sahibi Nuru Əhmədov açdı.
O, öz çıxışında ölkədə insan hüquqlarının müdafiəsi haqqında son zamanlarda ölkə rəhbərinin verdiyi sərəncamlarından danışdı. Sonra İ.Həmidov , R. Hacıyev, K. Əliyev, G. Hacıyeva və başqaları da bu mövzuyla bağlı çıxışlar etdilər.
Sonda tədbir iştirakçıları vacib təkliflərlə hüquqları tapdalanmış insanlara kömək etmək üçün müvafiq qurumlara müraciətlər etdilər.