Türkiyə qiyamının liderindən ilk bəyanat

Türkiyə qiyamının liderindən ilk bəyanat General ölkənin Baş Qərargah rəisinin baş verənlərdən xəbərdar olduğunu bildirib

Türkiyə Hərbi Hava Qüvvələrinin keçmiş baş komandanı, hökumətin ölkədə baş tutmamış hərbi çevrilişin lideri kimi təqdim etdiyi Akın Öztürk bəyanatla çıxış edərək qiyamın təşkilatçılarının adlarını açıqlayıb.

Milliyet nəşrinin məlumatına görə, general bildirib ki, Ali Hərbi Şuranın üzvü kimi, qiyamın əvvəlindən axırına kimi Baş Qərargah rəisi Hulusi Akarın yanında olub və hərəkətlərini onunla koordinasiya edib.

“Mən Hulusi Akar ilə birgə qoşunların hərəkətinə nəzarət edirdim”, - Akın Öztürk həbs edilərkən bildirib.

Qeyd edək ki, Türkiyə KİV bundan əvvəl Öztürkün ABŞ-da yaşayan və son hərbi çevriliş cəhdində günahlandırılan Fətullah Gülənlə əlaqələrinin olmasından yazmışdı.

Oxşar xəbərlər