18 işğalçının qalıqları isə Ermənistana gətirilibHelsinki Vətəndaş Assambleyasının Vanadzor ofisi aprelin 2-dən başlayan hərbi əməliyyatların gedişatında itkin düşmüş hesab edilən erməni hərbçilərinə dair məlumat toplayır.
Erməni KİV xəbər verir.
Qeyd edilir ki, cəsədlərin dəyişdirilməsi nəticəsində Azərbaycan tərəfi itkin düşdüyü hesab edilən 18 hərbçinin qalıqları Ermənistana gətirilib.
Bununla yanaşı, Helsinki Vətəndaş Assambleyasının Vanadzor ofisinin sülhməramlı proqramların koordinatoru Armina Sadikyan “Birinci İnformasiya” ilə söhbətində bildirib ki, onlarda harda olması məlum olmayan 10 hərbçi haqqında məlumat var. Bu əsgərlərin valideynləri onlar haqqında heç bir məlumat ala bilmirlər.
Sadikyanın sözlərinə görə, hazırda Yeqnikner və Cəbrayıl hərbi hissələrinin 10 hərbçisinə dair məlumat yoxdur. Bu, Yeqniker hissəsinin əsgərləri Astvastatur Sarqsyan, Ovannes Arutyunyan, Serob Aleksanyan, Xaçik Xaçatryandır.
Xankəndindən Roma adlı hərbçi də axtarılır, o, Cəbrayılda gümrülü komandir Alik Arakelyan ilə olub, onun haqqında da heç bir məlumat yoxdur.
Cəbrayıllıda xidmət edən gümrülü Onik haqqında da artıq 10 gündür ki, heç bir məlumat yoxdur. İşğal edilmiş Dağlıq Qarabağda xidmət edən Artur Yesayan haqqında da qohumları 10 gündür ki, heç bir xəbər almırlar.
Yeqnikerdə xidmət edən Arman Qabrielyan və Ovsep Qabrielyan ilə valideynləri rabitə vasitəsilə əlaqə saxlayıblar, vasitəçilər vasitəsilə onların yaxşı olduğunu öyrəniblər, amma dəqiq məlumat yoxdur.
Ermənistan Müdafiə Nazirliyindən taleyi barədə heç bir məlumatın olmadığı yalnız bir hərbçi haqqında bildiriblər. Söhbət Talışda itkin düşmüş 23 yaşlı Arqişti Qaboyandan gedir.
