Armen Qasparyan müqavilə əsasında xidmət edirdiErməni hərbçisi minaatanlardan açılan atəş nəticəsində ölüb.
Bu barədə Qarabağ separatçılarının nümayəndəsi Senor Asratyan bildirib.
Erməni KİV-in məlumatına görə, ölən Armen Qasparyan (1974-cü il təvəllüdlü) müqavilə əsasında xidmət edirdi.
Daha öncə Azərbaycan Müdafiə Nazirliyi Ermənistanın hərbi qüvvələrinin Qarabağda bütün təmas xətti boyunca atəşkəs rejimini pozduqlarına dair məlumat yaymışdı və qarşı tərəfi bütün təxribatların qarşısını sərt şəkildə alacağına dair xəbərdarlıq etmişdi.
