ABŞ-da yoldan keçən insanları güllələdilər: 6 ölü

ABŞ-da yoldan keçən insanları güllələdilər: 6 ölü “Kimsə öz avtomobilində gəzərək qarşısına çıxanları güllələyib”

ABŞ-ın Miçiqan ştatının Kalamzu dairəsində naməlum şəxsin avtomobildən yoldan keçənlərə atəş açması nəticəsində ən azı 6 nəfər ölüb, qanuninfo.az CNN-ə istinadən xəbər verir.

Yerli polisin verdiyi məlumata əsasən, daha üç nəfər yaralanıb. Onlardan ikisinin vəziyyəti ağırdır.

“Kimsə dairədə öz avtomobilində gəzərək qarşısına çıxanları güllələyib”, - hüquq-mühafizə orqanlarının nümayəndəsi bildirib.

Təxmin edilən şübhəli şəxsi - 50 yaşlarında ağdərili kişi - hələ də azadlıqdadır, telekanal qeyd edir.

Polis cinayətkarın hadisə yerindən qaçdığı Chevrolet HHR avtomobilini axtarır.

Oxşar xəbərlər