“Böhran Çinin yeni inkişaf modeli tapmaq cəhdləri ilə bağlıdır”

Dünya bazarları böhranla üzləşirlər və sərmayəçilər daha ehtiyatlı olmalıdırlar.

Bu barədə Şri-Lankada iqtisadi forumda çıxışı zamanı amerikalı milyarder Corc Soros deyib.

Onun fikrincə, böhran Çinin yeni inkişaf modeli tapmaq cəhdləri və yuanın devalvasiyası ilə bağlıdır. Soros inkişaf etməkdə olan ölkələrin müsbət faiz dərəcələrinə qayıtmasının da problem olduğunu qeyd edərək, vəziyyətin ona 2008-ci ilin böhranını xatırlatdığını bildirib.

“Çin nizamlanma ilə bağlı ciddi problemlərlə üzləşib. Mən deyərdim ki, bu böhranla eynidir. Maliyyə bazarlarına nəzər saldıqda, mən 2008-ci ilin böhranını xatırladan ciddi problemlərin olduğunu görürəm”, - Soros deyib.