Rusiya ikinci yerdə qərarlaşıb

ABŞ Konqresinin nəznində fəaliyyət göstərən tədqiqat xidməti silah ixracı ilə bağlı illik hesabatında Rusiyanı ABŞ-dan sonra ikinci yerdə müəyyənləşdirib.

Bu barədə The New York Times nəşri yazır.

2014-cü ildə Rusiya silah ixracından 10,2 milyard dollar qazanıb (2013-cü ildə 10,3 milyard).

Bununla belə, ABŞ bu sahədə liderliyini qoruyaraq silah ixracından olan gəlirini 10 milyard dollar artırıb.

Belə ki, 2013-cü ildə amerikalılar 26,7 milyard dollar qazanmışdılarsa, 2014-də bu məbləğ 36,2 milyarda qədər artıb.

Artım Qətər, Səudiyyə Ərəbistanı və Cənubi Koreya ilə bağlanmış müqavilələrlə izah edilir.

ABŞ dünya silah bazarının 50%-nə nəzarət edir.

Üçüncü yerdə 5,5 milyard gəlir ilə İsveçrə qərarlaşıb. 4-də Fransa (4,4 milyard), 5-ci isə Çindir (2,2 milyard).