İraq məhkəməsi İŞİD terror qruplaşmasına qoşulmuş və Türkiyə vətəndaşı olan 16 qadın haqqında ölüm hökmü çıxarıb.

Məhkəmənin məlumatında bildirilir ki, qadınlar terrorçulara kömək etdiklərini etiraf ediblər.

Qeyd olunur ki, həmin şəxslər hökmdən şikayət edə bilərlər.

Bundan başqa, yaşları 20-dən 50-dək olan daha 10 türkiyəli qadın müxtəlif həbs cəzalarına məhkum olunub.

Onlar İraqa sonradan döyüşlərdə öldürülən ərləri ilə gəliblər. Qadınları uzun müddət İŞİD-in nəzarətində olmuş Mosul və Tel-Afarda saxlayıblar.

oxu.az