Qaraçuxur qəsəbəsində növbəti səyyar qəbul-görüş keçirilmişdir

Rayon İcra Hakimiyyətinin başçısı İlqar Abbasovun Qaraçuxur qəsəbə sakinləri ilə Xarici Dillər Təmayüllü Gimnaziyanın akt zalında növbəti səyyar qəbul-görüşü olmuşdur. Görüşdə dövlət orqanlarının yerli idarələrinin və xidmət sahələrinin rəhbərləri iştirak etmişdir.
Səyyar qəbul-görüşdə sakinlərə cari ildə Azərbaycan Respublikasının Prezidenti cənab İlham Əliyev tərəfindən qəbul edilən, əhalinin sosial müdafiəsinə və rifah halının yüksəldilməsinə yönəldilmiş qərarlar barədə ətraflı məlumat verən rayon İcra Hakimiyyətinin başçısı İlqar Abbasov bildirdi ki, Azərbaycan dövlətinin sosial sahədə, insanların rifah halının yaxşılaşdırılması istiqamətində həyata keçirdiyi tədbirlər davam edir.
Rayon rəhbəri sakinlərə ölkə başçısının yeni sosial paketi barədə tam dolğunluğu ilə məlumat verilərək vurğulanmışdır ki, dövlət başçısının iyunun 18-də imzaladığı 17 sərəncamla ilin əvvəlindən start götürən sosial islahatların ikinci mərhələsi başlamışdır. Bu mərhələdə minimum aylıq əməkhaqqı 250 manata çatdırılmışdır. İkinci sosial paket çərçivəsində həyata keçirilən tədbirlər 1 milyon 350 min nəfər vətəndaşın əməkhaqqının artımına səbəb olmuşdur. Bu da ölkə üzrə muzdla işləyənlərin 80 faizini təşkil edir. Həmin insanlardan 1 milyonu dövlət, qalanları özəl sektorda işləyənlərdir. 750 min nəfərin pensiyasında artım baş vermişdir. Bu isə ölkədə ümumi pensiyaçıların təqribən 60 faizi deməkdir. Digər pensiyaçılara gəldikdə, 2020-ci ilin yanvarından bütün pensiyalar artacaq.
İlqar Abbasov sakinlərin diqqətinə çatdırmışdır ki, cari ilin oktyabr ayının 15-də Azərbaycan Respublikasının Prezidenti cənab İlham Əliyevin yanında keçirilmiş iqtisadi müşavirədə cənab Prezident vurğulamışdır ki, minimum pensiyanın alıcılıq qabiliyyətinin səviyyəsinə görə Azərbaycan bu gün MDB məkanında birinci yerdədir. Orta aylıq pensiyanın həcminə görə isə üçüncü yerdədir. Rayon rəhbəri daha sonra qəbul edilmiş Dövlət Proqramlarının icrası nəticəsində Suraxanı rayonunda, o cümlədən Qaraçuxur qəsəbəsində görülmüş işlər barədə sakinlərə məlumat verdi və 2019-2013-cü illəri əhatə edən dövlət proqramında icrası nəzərdə tutulmuş abadlıq-quruculuq işlərini sakinlərin diqqətinə çatdırdı. Rayon rəhbəri səyyar qəbul-görüşdə sakinləri narahat edən müxtəlif məsələlərə aydınlıq qətirdi, qaldırdıqları məsələlərin həlli istiqamətində əlaqədar qurum və təşkilatların rəhbərlərinə yerindəcə tapşırıqlar verdi və onların həlli nəzarətə götürüldü.

Hər bir insanın həyat yolunu onun mənəvi dünyası, xarakteri müəyyən edir. Bəşər övladının mahiyyəti, mənəvi keyfiyyətləri həqiqətən də onun əməllərində, fəaliyyətində real təcəssümünü tapır. Dərk edilmiş məsuliyyətdən irəli gələn bu fəaliyyət həm də şəxsiyyət ucalığına qovuşmuş bu insanların cəmiyyətdəki layiqli mövqeyini, ictimai statusunu müəyyənləşdirir. Yəqin elə buna görədir ki, xeyirxah və alicənab insan kimi tanınaraq ömrün kamillik zirvəsinə yetişmək, bu dünyada iz qoymaq xoşbəxtliyi heç də hamıya nəsib olmur. Yaxşıya yaxşı demək vicdan borcudur. İstər vəzifə sahibi olsun, istərsədə sıravi, sadə vətəndaş. Mən bu gün bu iki vəhtədi özündə birləşdirən bir azərbaycanlıdan söhbət açacam. O azərbaycanlı ki, ömrünü sadiqliyə və zəhmətə kökləyib, işində yorulmaz rəhbər, nümunəvi icra başçısıdır. Bu şəxs kimidir? Bu şəxs Suraxanı rayon İcra hakimiyətinin başçısı İlqar Abbasovdur. Bu insanı hər kəs tanıyır. Hər kəs onuda bilir ki, problemləri ilə qəbuluna gələn vətəndaşlara, Suraxanı rayonunda minlərlə ailəyə yardımçı olmağı özünə borc bilən bir vəzifə sahibidir İlqar Abbasov. Bu insan, O qədər məsuliyyətli və diqqətçildir ki, vəzifəsi ağır və məsuliyyətli olmağına baxmayaraq, əlindən gələni əsirgəmir.

-İlqar Abbasov əsl ziyalı vicdanlı və vətənpərvər şəxsiyyət kimi milli “mən”i şəxsi “mən”dən hər zaman uca tutur, özünə hörməti şəxsi iddialarda deyil, uğurlu əməllərdə axtarır.










Qanuninfo.az saytı olaraq Suraxanı rayonunda görülən abadlıq-quruculuq işləri ilə tanış olduq. Qəflətən Suraxanı rayonuna getməkdə məqsədimiz bəzi internet saytlarında Suraxanı rayon haqqında yazılan tənqidi məqalələri araşdırmaq və qanuninfo.az saytında işıqlandırmaq idi.

Bəli, Suraxanı rayonu təbiət baxımından ən mühim rayonlardan hesab edilir. Buda səbəbsiz deyil ki, Ulu Öndər Heydər Əliyev rayon haqqında hər zaman yüksək fikirlər səsləndirib. Suraxanı rayonunda məlum hadisələrdən sonra ölkə başçısı İlham Əliyev düşünülmüş formada rayona ziyalı və dünya görüşü ilə hər zaman cəmiyyətdə sayılıb-seçilən İlqar Abbasovu icra başçısı təyin etdi.








İlk gündən rayon sakinlərinin problemləri istiqamətində lazımı addımlar atmaqla bir daha ona göstərilən etimadı doğruılacağına işarə vurdu. Bütün bunları qeyd etməkdə məqsədimiz ondan ibarədir ki, bəzi sayt rəhbərləri ya ağı-qaradan seçə bilmir, ya da bilərəkdən rayon rəhbərliyinin ünvanına qəbuledilməz yazılar dərc edirlər. qanuninfo.az-nun apardığı araşdırmalarna görə Suraxanı rayonunda həyat öz axarı ilə davam edir. Rayonun yolları asvalt döşəmələri ilə döşənir. Sakinlərin sosial problemlərinin həlli istiqamətində lazımı qurumlar işlər görür.

Azərbaycanda hal-hazırda minlərlə xəbər saytları, portallar, informasiya agentlikləri fəaliyyət göstərir.

Bunların məqsədi ölkədə və ölkə xaricində baş verənləri ictimaiyyətə çatdırmaqdır. Lakin bütün xəbər saytları, onların təsisçiləri və əməkdaşları heç də bu məqsədə xidmət etmir. Bəziləri öz şəxsi maraqlarını hər şeydən üstün tuturlar. Bu məqsədə çatmaq üçün tənqidlə təhqiri bilərəkdən qarışdırıb, vəzifəli şəxslərin işgüzar nüfuzuna xələl gətirirlər. Təbii ki, hamı pul qazanmaq, evini çörəklə təmin etmək istəyir. Amma kimsə şər-böhtan, şantaj və təhqir yolu ilə harama gedirsə, bu uzun çəkmir. Bunları elə-belə yazmadım. Belə olan halda peşəsini və dövlətini sevən əsil jurnalistlər isə normal fəaliyyət göstərə bilmirlər.

Özlərini cəmiyyətdə Kütləvi İnformasiya Vasitəsi kimi heç cür təsdiq edə bilməyən, oxucu auditoruyası olmayan bu saytlar qeyri-ciddi, jurnalist peşəkarlığından uzaq və məkrli yollarla Suraxanı rayonunun rəhbər işçilərinin ünvanına ləkə yaxmağa, bir az da irəli gedərək rayonda guya vətəndaşlara hörmətsizlik edilməsi barədə yalan məlumat yaymaqdan belə çəkinməyərək ictimai rəydə çaşqınlıq yaratmağa, görülən işlərə kölgə salmağa çalışırlar.









Suraxanı rayonuna daxil olarkən müşahidələrimiz ondan ibarət idi ki, yuxarıda qeyd etiyimiz bəzi saytların yazdıqları tənqidi məqalələrin davamını gətirmək və bəzi məsələləri araşdırıb cəmiyyətə informasiyanı çatdıraq. Əslində bəzi jurnalistlər böhtan xarakterli məlumatları tənqidi məqalə kimi sıramağa çalışır. Əfsüslər olsun ki, bu cür neqativ hallar heç bir sayt rəhbərliyinə və digər şəxslərə yaraşmaz.

Belə bir deyim var: Hər hansı vəzifə kürsüsü insan üçün həm də özünüifadə və özünütəsdiq vasitəsidir. Bu mənada, İlqar Abbasov Suraxanı rayon İcra Hakimiyyətinin başçılık fəaliyyətinə ilk gündən işində layiqli xidmət vasitəsi kimi yanaşaraq ona göstərilən etimadı layiqincə doğrultmağa çalışdı.