DÇ-2018-in seçmə mərhələsində Azərbaycan millisinin rəqibi olan Norveç yığmasının üzvü Ule Salnes FIFA tərəfindən sərt şəkildə cəzalanıb.

“Qafqazinfo” xəbər verir ki, buna yarımmüdafiəçinin Bakıda Azərbaycan millisi ilə keçirilən oyundan sonra hakimləri təhqir etməsi səbəb olub.

Dünyanın ali futbol qurumunun qərarına görə, o, 11 ay müddətinə futboldan uzaqlaşdırılıb. Bu isə o deməkdi ki, Salnes cəzası bitənə qədər milliyə kömək edə bilməyəcək.

Xatırladaq ki, Azərbaycan - Norveç oyunu millimizin 1:0 hesablı qələbəsi ilə başa çatıb.