Azərbaycan tarixinin taleyüklü dönəmlərində böyük şəxsiyyətlər meydana çıxaraq millətin yolunu işıqlandırır, gələcəyin istiqamətini müəyyənləşdirir. Bu şəxsiyyətlərin içində xalqın taleyində dönüş yaradan, dövlətçilik ənənələrini yenidən canlandıran, müasir Azərbaycanın təməl daşlarını qoyan ulu öndər Heydər Əliyevin yeri və rolu əvəzsizdir. Onun dahiyanə zəkası, müdrik dövlətçilik fəlsəfəsi və yorulmaz fəaliyyəti sayəsində Azərbaycan bu gün dünya xəritəsində nüfuzlu, güclü və söz sahibi olan bir dövlət kimi mövcudluğunu qürurla davam etdirir.

Heydər Əliyevin anım günü hər bir azərbaycanlı üçün təkcə xatırlanacaq bir tarix deyil, həm də milli kimliyimizi, müstəqilliyimizi və dövlətçiliyimizi dərk etdiyimiz müqəddəs bir gün kimi qəbul edilir. Onun ömür yolu bütöv bir millətin taleyi ilə sıx bağlıdır və hər addımında Azərbaycanın gələcəyinə hesablanmış uzaqgörənlik dayanır. Ümummilli liderin həyat amalında xalqına olan sonsuz sevgi və dövlətinə olan sadiqlik ən yüksək zirvədə dayanırdı.

O, Azərbaycan dövlətçiliyini ən çətin və mürəkkəb zamanlarda ayaqda tutmağı bacarmış, ölkəni parçalanma təhlükəsindən çıxararaq möhkəm təməllər üzərində yenidən qurmuşdur. O illərin gərginliyi, qarışıqlığı və siyasi təlatümləri içində Heydər Əliyevin liderliyi millətin ən böyük dayağı olmuş, xalqımızın gələcəyə inamını bərpa etmişdir. Onun qətiyyəti, dəyanəti və iradəsi Azərbaycanı müstəqilliyin yeni bir mərhələsinə aparmışdır.

Ulu öndərin dövlət idarəçiliyindəki möhtəşəm bacarığı, iqtisadi və siyasi islahatları ölkənin inkişaf trayektoriyasını müəyyənləşdirən əsas sütunlara çevrildi. Müstəqil Azərbaycan məhz onun strateji düşüncə tərzi sayəsində güclü iqtisadi baza, sabit siyasi sistem və dünya ilə inteqrasiya edən modern cəmiyyət quruculuğu yolunda ardıcıl addımlar atdı. Onun başladığı islahatlar bu gün də dövlətimizin inkişaf xəttinin bünövrəsini təşkil edir.

Heydər Əliyevin xarici siyasətdəki uzaqgörənliyi Azərbaycanın beynəlxalq aləmdə mövqeyini möhkəmləndirən strateji əlaqələri formalaşdırdı. Azərbaycan artıq yalnız regional deyil, həm də qlobal miqyasda tərəfdaşlıq münasibətləri quran, nüfuzlu platformalarda öz sözünü deyən bir dövlətə çevrildi. Bu siyasətin nəticələri tarixdə misilsiz uğurlar kimi qalmaqdadır.

Ulu öndərin yaratdığı siyasi xəttin ardıcıl davam etdirilməsi Azərbaycan dövlətçiliyinin inkişafının əsas təminatına çevrildi. Bu gün ölkə başçısı cənab İlham Əliyevin həyata keçirdiyi siyasət həmin böyük ideyaların müasir dövrün tələblərinə uyğun şəkildə davamıdır. İlham Əliyevin liderliyi Azərbaycana yeni yüksəliş mərhələsi təqdim etmiş, ölkəmizi beynəlxalq arenada etibarlı tərəfdaşa və güclü regional qüvvəyə çevirmişdir.

Müzəffər Ali Baş Komandan İlham Əliyevin rəhbərliyi ilə xalqımızın birlik və iradəsi nəticəsində torpaqlarımız işğaldan azad edildi. Şuşa şəhərinin azad olunması Azərbaycan tarixində şərəf və qürurla xatırlanacaq ən möhtəşəm hadisələrdən biridir. Şuşaya yeni nəfəs verən bu qələbə Heydər Əliyev siyasətinin davamının ən ali təcəssümüdür.

Bu gün azad olunmuş torpaqlarda tikinti, quruculuq və bərpa işləri geniş vüsət alıb. Doğma yurda qayıdan hər bir ailə, bərpa olunan hər bir yurd, işıqlandırılan hər bir küçə Heydər Əliyevin zamanında qoyulan möhkəm dövlətçilik təməllərinin bəhrəsidir. Qarabağ və Şərqi Zəngəzur yeni həyatın başlanğıc nöqtəsinə çevrilir və bu inkişafın kökündə ulu öndərin milli ideyası dayanır.

Heydər Əliyevin Azərbaycan naminə gördüyü işlər təkcə bir dövrün deyil, bütöv bir millətin gələcəyinin təminatçısıdır. Onun irsi bu gün də dövlət idarəçiliyinin əsas istiqamətlərində özünü göstərir, siyasi kursun dəyişməz prinsipinə çevrilib. Müstəqilliyin qorunması və möhkəmləndirilməsi Heydər Əliyev ideologiyasının ən mühüm sütunudur.

Ulu öndərin siyasi uzaqgörənliyi, xalqına olan bağlılığı və dövlətçiliyə bəslədiyi sonsuz sevgi gələcək nəsillər üçün örnəkdir. O, öz fəaliyyətində yalnız bu günün deyil, həm də gələcəyin Azərbaycanın quruculuğuna xidmət edirdi. Xalqın rifahı, dövlətin gücü və ölkənin beynəlxalq nüfuzu onun fəaliyyət filosofiyasının əsasını təşkil edirdi.

Anım günü xalqımız üçün yalnız bir tarix deyil, həm də ümummilli lideri xatırlamaq, onun ideyalarından ilham almaq günüdür. Bu gün Heydər Əliyevin həyat yolu, dövlətçilik mirası və rəhbərliyi hər bir azərbaycanlının yaddaşında o qədər böyük iz buraxıb ki, onun işıqlı xatirəsi zaman keçdikcə daha da ucalır, daha da əziz olur.

Azərbaycan xalqı Heydər Əliyevin xidmətlərini həmişə yüksək dəyərləndirmişdir. Onun xalqa bağlılığı, dövlətə sədaqəti, millətə sevgisi bu gün də hər kəs tərəfindən hörmətlə xatırlanır. Ulu öndərin adı müasir Azərbaycan tarixinin qızıl hərflərlə yazılmış səhifəsidir və hər bir vətənsevər bu böyük şəxsiyyətin xatirəsini qəlbinin ən dərin yerində daşıyır.

Heydər Əliyevin fəaliyyətində insan amili xüsusi yer tuturdu. Xalqın problemlərinin həllinə, sosial rifahın yaxşılaşdırılmasına yönələn siyasət bu gün də dövlət idarəçiliyinin əsas prinsipidir. Onun xalqa yaxınlığı, sadəliyi, humanizmi onu xalqın qəlbində əbədi sevgi ilə yaşadan ən böyük dəyərlərdəndir.

Ulu öndərin dövlətçilik kursu Azərbaycanı sabitlik, inkişaf və təhlükəsizlik üzərində qurulan bir cəmiyyətə çevirdi. Onun qoyduğu strateji xətt ölkəmizin gələcək inkişafını təmin edən əsas proqram oldu. Bu siyasət müasir dövrün çağırışlarına meydan oxuyan möhkəm dayağa çevrilmişdir.

Anım günü həm də xalqımızın öz liderinə olan sədaqətinin və ehtiramının təzahürüdür. Heydər Əliyevin xalqın qəlbində bu qədər dərin iz buraxması onun yaddaşlarda necə böyük bir şəxsiyyət kimi qaldığının bariz nümunəsidir. Bu sevgi və ehtiram illər keçdikcə azalmır, əksinə daha da artır.

Bugünkü Azərbaycan müasirliyini, gücünü, beynəlxalq nüfuzunu və iqtisadi qüdrətini ulu öndərin müəyyən etdiyi inkişaf yoluna borcludur. Onun əsəri olan müstəqil Azərbaycan bu gün dünya arenasında öz sözünü deyan, müstəqil siyasət yürüdən və qətiyyətli addımlarla irəliləyən bir dövlətdir.

Xalqımızın Heydər Əliyevə olan sevgisi tükənməzdir. Onun adı təkcə tarixdə deyil, həm də hər bir Azərbaycan ailəsinin yaddaşında, düşüncəsində, qəlbində yaşayır. Bu sevgi əsrlər boyu davam edəcək, yeni nəsillər ulu öndərin ideyaları ilə böyüyəcək.

Bu gün ulu öndərin xatirəsi ehtiramla anılır. Onun Azərbaycan üçün etdiyi xidmətlər və yaratdığı dövlətçilik məktəbi bizim üçün qürur mənbəyi, yol göstəricisi, ilham qaynağıdır. Heydər Əliyevin irsi yaşadıqca Azərbaycan daha da güclənəcək, inkişaf edəcək və möhkəmlənəcək.

Heydər Əliyev şəxsiyyəti müdrikliyi, uzaqgörənliyi, zəhməti və fədakar fəaliyyəti ilə hər zaman xalqın qəlbində işıq saçan bir mənbə kimi qalır. Onun yaratdığı dəyərlər bu gün də milli kimliyimizin ayrılmaz hissəsinə çevrilib. Ulu öndərin həyat amalında xalq və dövlət sevgisi ən böyük dəyər kimi daim yaşayır.

Bu gün Azərbaycan xalqı böyük liderini ehtiramla anır və onun ölməz xatirəsinə baş əyir. Heydər Əliyevin yaratdığı müasir Azərbaycan dövlətini qorumaq və inkişaf etdirmək hər bir vətəndaşın mənəvi borcudur. Bu borc xalqımızın birliyini və dövlətimizin gücünü daha da artırır.

Heydər Əliyevin adı Azərbaycançılığın simvoludur. Onun yaratdığı dövlətçilik ideyası bu torpağın ruhuna hopub, millətin gələcəyinə ümid və güvən verib. Bu ideya nəsillərdən-nəsillərə keçəcək və gələcək Azərbaycanı daha da qüdrətli edəcək.

Ulu öndərin xatirəsi xalqımız tərəfindən daim böyük sevgi, ehtiram və minnətdarlıqla yad olunur. Onun işıqlı yolu Azərbaycanı daim irəli aparacaq, hər yeni günün uğurları onun əsərinin davamı olacaq. Bu əbədi sevgi, ehtiram və inam xalqın Heydər Əliyevə olan məhəbbətinin sönməzliyinin ən böyük sübutudur.