Prezident İlham Əliyev gənclərlə görüşdə bir-birindən vacib mesajlar verdi. Dövlət başçısı xatırladıb ki, müstəqilliyin ilk illərində vəziyyət çox ağır idi. Ölkə çox ciddi problemlər, çətinliklər ilə qarşılaşmışdı. Proseslərin necə cərəyan edəcəyini proqnozlaşdırmaq çətin idi. Proseslərin idarəolunmaz forma alması gənclərin də gələcəklə bağlı ümidlərinə mənfi təsir göstərirdi. Mustəqilliyin ilk illərində erməni aqressiyasi nəticəsində 100 minlərlə insan öz doğma yurd yuvasını tərk elədi. Təbii ki onların arasında gənclərdə vardı.Oxuyub daha yaxşı təhsil almaq yerinə bir qarnı ac, bir qarnı tox yaşadılar. Lakin ümidlərini heç vaxt itirmədilər.Vətən sevgisi ilə yoğruldular. Vətən müharibəsi başlayanda bir an belə olsun geri addım atmadılar. Çünki illərdir o anın gəlib çatmasi üçün səbrsizliklə gözləyirdilər. O an çatanda Azərbaycan gəncləri öz sözünü döyüş meydanında dedi. Çadır düşərgələrində böyüyən gənclər işğal altındakı torpaqları azad etmək üçün canlarından keçdilər.

Bu dəfə qalib ölkənin vətəndaşları-gəncləri olaraq dövlət başçısı ilə görüşə gəldilər. Onlara bu qalibiyyəti- sevinci yaşadan Müzəffər Ali Baş Komandanın açıqlamalarına diqqətlə qulaq asdılar.

Foruma dəvət edilənlərin müxtəlif sahələri təmsil edən gənclər arasından seçilməsi də təsadüfi deyildi. Azərbaycan gəncləri onları maraqlandıran sualları verir dövlət başçısı da bunu cavablandırdı. Prezident görülən işlərlə yanaşı gənclərə öz tövsiyyələrini də çatdırırdı.

Prezident vurğuladı ki, elə şərait yaradılmalıdır ki, xaricdə təhsil alan gənclər özləri vətənə qayıtsınlar. 2007-2015-ci illəri əhatə edən genişmiqyaslı proqram icra edildi. Onlar 30-dan çox ölkənin 300-dən çox ali məktəbinə ezam olunub. Bu məqsədlə 200 milyon manat vəsait xərclənib. Artıq dövlət xətti ilə oxuyanların böyük hissəsi geri qayıdıb.

Bu gün cəmiyyətin böyük bir hissəsini təşkil edən gənclər ölkənin ictimai-siyasi həyatında əhəmiyyətli rol oynayırlar. Gənclər, öz canından keçərək şəhidlik zirvəsinə yüksələn Polad Həşimov kimi həqiqi qəhrəmanları örnək alırlar. Millətin bağırından çıxan qəhrəmanları bu xalq onun gəncləri heç vaxt unutmur.

Azərbaycan gəncləri bu gün daha qürurlu, daha məğrurdur.. Çünki qazanılan qalibiyyətdə onların da payı az deyil.

Güclü Azərbaycanın güclü gəncləri bundan sonra da yeni-yeni uğurlara imza atacaq.

Sabunçu qəsəbəsi, 155 nömrəli tam orta məktəbin direktoru Ruhiyyə İbrahimova