Azərbaycan mediası dəfələrlə təhsil problemlərinə toxunaraq diqqət çəkən məqamları geniş oxucu auditoriyasına çatdıraraq bu sahədə yaşanan korrupsiya, qanunsuz pul yığımı, məktəb rəhbərliyinin kadr “islahatları” və ən əsası pedoqoji savadı olmadan, attestasiyadan keçməyən kadrların müvafiq dərs saatları ilə təmin olunması kimi ciddi qanun pozuntuları ön plana çəkib.

Eləcə də ölkənin bəzi regionlarında təhsilin mövcud durumu, bu sahədə narazılıq döguran məsələlər və yaranmış gərginliyi müvafiq dövlət orqanlarının diqqətini bu səmtə yönəltsək də, hələ ki Təhsil Nazirliyi rəhbərliyi, nədənsə bu sahədə mübarizlik nümayiş etdirmir.

Hər bir millətin gələcəyi və inkişafı, təhsillə sıx əlaqədardır. Təhsilin əsasını keyfiyyətli müəllim, tədrisin predmeti isə şagirddir. Lakin Salyan rayon Qarabağlı kənd 2 saylı tam orta məktəbində təhsilin əsasını müəllim deyil, korrupsiya və özbaşınalıq halları təşkil edir. Qarabağlı Qarabağlı kənd 2 saylı tam orta məktəbində yaşanan şok ilgilərlə bağlı cumhuriyyet.az olaraq yayılan xəbərlər onu göstərir ki, özbaşınalıqların pik həddə çatdığını, məktəbin keçmiş direktor Zahid Soltanağ oğlu Fərəcovun məktəbdə yaratdığı avtoritar rejim və o cümlədən törətdiyi digər qanunsuz oylar, məktəbin hazırkı rəhbərliyinin və pedoqoji he`yətinin kəskin narazılığına səbəb olub.

Xidməti statusundan istifadə edərək təhsil ocağını bazara çevirən eks direktor Zahid Fərəcov, məktəbin təlim tərbiyə üzrə rəhbər olan Bayramov Emin Knyaz oğlu ilə anlaşma əldə edərək hazırkı direktor, gənc və təcrübəli pedaqoq Sübhan Xəlilova və oun apardığı islahatlara sü`ni maneələr törədərək məktəbdə ajiotaj durum yaradır. Direktor işlədiyi vaxtlarda məktəbi şəxsi ambisiya məkanına çevirərək ciddi qanun pozuntularına yol verərək müəllimlərdən zorla pul tələb edən Zahid Fərəcov, aşağı davamiyyət, pul yığımı, repetitorluq və məktəbin maddi-texniki bazasını mənimsəmə halları ilə yaddaşlarda qalır. Əldə etdiyimiz məlumatlara görə, keçmiş direktoru Salyan rayon Təhsil şöbəsinin keçmiş şefi Əbülfəz Bədəlovla “ülvi tellər” bağlayır. Rayon Təhsil şöbəsi tərəfin-dən verilən “sifarişləri” layiqincə yerinə yetirən keçmiş direktor, məktəb iclaslarında mütəmadi olaraq müəllimlərdən yerli yersiz pul tələb etməsi faktı da ortaya çıxıb. Həmin faktın doğruluğunu iclas zamanı yazılaraq bizlərə təqdim edilmiş səs yazıları bunu söyləməyə əsas verir.

Hətta bu tipli qanunsuz əməllərlə bağlı prokurorluq orqanları tərəfindən məsuliyyətə alınan keçmiş direktor və rayon təhsil şefi sudan quru çıxaraq öz çirkin niyyətlərinə nail olublar. 2 saylı məktəbin müəllim heyəti, artıq bu halın uzun müddət yaşandığını və hətta Zahid Fərəcovun bütün ailə üzvlərinin evdə repetitorluqla məşğul olduqlarını təsdiq edirlər. Hansı müəllmin cəsarəti var ki, uşağını Zahid müəllimin repetitorluğuna buraxmasın? Dərhal keçmiş direktor həmin müəllimi Təhsil Nazirliyində məsul vəzifədə çalışan oğlu ilə qorxudaraq adıçəkilən müəllim üçün sün`i əngəllər yaradılır. Artıq bundan cana yığıldıqlarını deyən Müəllimlər bizdən kömək istəyərək bu məsələnin tezliklə müvafiq qurumlar tərəfindən həll olunması istəyirlər. Əldə etdiyimiz digə mənbənin məlumatına görə, sözügedən məktəb direktoru, hazırki direktorun “taxtdan yıxılması” və yerinə “ideya həmkarı” olan Emin Bayramovun gəlməsi uğrunda gərgin mübarizə gedir. Məclislərin birində :”Direktor olmağa görə kimlərəsə 16 dəfə salam vermişəm” deyən Zahid Fərəcov, növbəti iclas zamanı müəllimlərə : Hesablama palatasından komissiya üçün pul yığmaq lazımdır, kim pul verməsə rayondan çıxsın getsin” söyləyib. Onun törətdiyi qanunsuz olaylarla bağlı hətta rayon rəhbərliyi dəfələrlə xəbərdarlıqlar edib, lakin Zahid Fərəcovun “toxunulmazlığı” sonda məsələnin yayınmasına gətirib çıxarıb. Güman edirik ki, material efirə getdikdən Təhsil Nazirliyi və əlaqədar qurumlar məsələyə öz münasibətini bildirərək yol verilən qanunsuzluqla bağlı adekvat tədbirlər görəcəkdir.(dosye.org)

P.S. Sizlərə şok olayları əks etdirən səs yazılarını təqdim edirik. Səsyazılarının birində Zahid Fərəcov müəllimlərdən “Hesablama Palatası” üçün pul, digərində isə Salyan rayon Təhsil Şöbəsinin keçmiş müdiri Əbülfəz Bədəlovla olan telefon danışıqlarını təqdim edirik.

Qarşı tərəfin də fikrini dinləməyə hazırıq.