Rus kommunistləri Putini rus-türk müqaviləsinin ləğvinə çağırdılar

Rus kommunistləri Putini rus-türk müqaviləsinin ləğvinə çağırdılar İmzalanmış müqavilənin Azərbaycanın dövlət sərhədlərinə birbaşa aidiyyatı var

Dövlət Dumasında 1921-ci ilin martın 16-da Türkiyə ilə Rusiya Sosialist Federativ Respublikası arasında imzalanan dostluq və qardaşlıq haqqında razılaşmanın ləğvinə dair müraciət hazırlanıb.

Bu təkliflə Rusiya Kommunist Partiyasının deputatları prezident Vladimir Putin və xarici işlər naziri Sergey Lavrova müraciət ediblər.

Rusiya Kommunist Partiyasının Mərkəzi Komitəsinin sədr müavini Valeri Raşkinlə partiyanın katibi Serqey Obuxov tərəfindən hazırlanan müraciətdə Ankaranın Moskvaya qarşı aqressiv siyasi xətt yeritməsi əsas gətirilərək müqavilənin ləğvinə dair çağırış yer alıb.

"Hazırda Türkiyə tərəfindən aqressiyanın artdığı halda ölkəmiz və müttəfiqlərimiz üçün yararsız olan sənədin hüquqi cəhətdən yenidən nəzərdən keçirilməsi zəruridir", - Obuxov qeyd edib.

Onun sözlərinə görə, Ankara anlamalıdır ki, münaqişənin bu cür eskalasiyası nə ilə nəticələnə bilər.

"Yalnız bu, onu yeni təxribatlardan yayındıra bilər", - o qeyd edib.

"Ədalətli Rusiya naminə" partiyasından olan deputatlar da həmkarlarının bu təşəbbüsünü dəstəkləyiblər. Deputat Oleq Poloxov Moskva müqaviləsinin Rusiyanın maraqlarına zidd olduğunu hesab edir.

Qeyd edək ki, 1921-ci il martın 16-da imzalanmış Moskva müqaviləsi Azərbaycan üçün mühüm əhəmiyyətə malikdir.

Oxşar xəbərlər