Müasir Azərbaycanın simasi olan Yeni Azərbaycan partiyasi 1992 – ci il Noyabrın 21-də Naxçıvanda Ulu Öndər Heydər Əliyev tərəfindən təsis edilmişdir. Ulu Öndər Heydər Əliyev 1993 – cü il iyunun 15 – də Azərbaycan Ali Sovetinin sədri , oktyabrın 3 -də isə Prezident seçildi.Bundan sonra həm ölkəmizin , həm də Yeni Azərbaycan partiyasının həyatında yeni mərhələ başladı.
Yeni Azərbaycan partiyası çox çətin bir tarixi şəraitdə yaradılmışdı.Azərbaycanın o illərdə yaşadığı vəziyyət xalqın sabaha ümidlərini bitirmişdi.Azərbaycan müstəqilliyini itirmək , bir dövlət olaraq dünyanın siyasi xəritəsindən silinmək təhlükəsi ilə üz - üzə qalmışdı.Xalqın belə çətin məqamda xilaskarına ehtiyacı var idi. Vətənini , xalqını canından artıq sevən Ulu Öndər Heydər Əliyev xalqının, ölkəsinin taleyinə biganə qala bilməzdi.Ümümmilli lider xalqın təkidli tələbi əsasında hakimyyətə qayıtdı.Bununla Azərbaycan tarixində yeni bir səhifə açıldı.Heydər Əliyev öz qayıdışı ilə Azərbaycana sülh, sabitlik və fasiləsiz inkişaf gətirdi.
Ulu Öndər Yeni Azərbaycan partiyasını qısa zamanda inkişaf etdirdi, özünün dediyi kimi “Dünənin , bu günün və sabahın partiyası” səviyyəsinə yüksəltdi.
5 mart 2021- ci il tarixində keçirilmiş YAP-ın VII qurultayında qəbul edilmiş qərar əsasında Yeni Azərbaycan Partiyasının yeni Nizamnaməsi , 40 nəfər tərkibdə İdarə Heyəti , 13 nəfərdən İbarət Təftiş Komissiyası və yeni qurum olaraq YAP-ın Veteranlar Şurasının 35 nəfərlik tərkibi təsdiq edilmişdir. Üzvlərin böyük əksəriyyəti gənclərdir.Həmin gənclər Azərbaycana Şanlı Zəfər yaşatdı.
Yeni Azərbaycan partiyası xalqın partiyasıdır. Ulu Öndərin siyasi xəttini uğurla davam etdirən Ali Baş Komandan , Prezident İlham Əliyev daim xalqın xidmətindədir
Vətən müharibəsindəki möhtəşəm qələbədə Azərbaycan Prezidenti İlham Əliyevin öz vətəndaşlarına nə qədər bağlı olduğunu , dövlətimizin milli maraqlarını qətiyyətlə müdafiə etdiyini bir daha əyani göstərdi.Öz xalqı ilə vəhdətdə olan lider kimi mübarizlik , müdriklik rəmzinə çevrildi.
Artıq Qarabağla bağlı tamamilə yeni reallıq yaranıb.Prezident ,Ali Baş Komandan İlham Əliyevin yaratdığı reallıq ondan ibarətdir ki Azərbaycanın ərazi bütövlüyü təmin olunub. Azərbaycan Prezidenti Ermənistana və onun havadarlarına Qarabağın Azərbaycanın əzəli ərazisi olduğunu sübut edib.


Balaxanı qəsəbəsi , 259 saylı tam orta məktəbin
İbtidai sinif müəllimi Çimnaz Əliyeva