Gəncə Şəhər Nizami Rayon İcra Hakimiyyətinin mobil qrupları rayon ərazisində mütəmadi nəzarəti həyata keçirir

Nizami rayonu ərazisində xüsusi karantin rejiminin tələblərinin yerinə yetirilməsi üçün növbəti maarifləndirmə işləri aparılıb

Gəncə şəhəri, Nizami rayonu ərazisində mobil qruplar tərəfindən xüsusi karantin rejiminin tələblərinin yerinə yetirilməsi üçün növbəti maarifləndirmə işləri aparılıb.
Heydər Əliyev prospekti, Mir Cəlal Paşayev, Sevil Qazıyeva, Ruzigar Qasımov, Təbriz küçələrində əhalinin sıx olduğu məkanlarda, ictimai-iaşə və ticarət obyektlərində sakinlərə Nazirlər Kabinetinin Operativ Qərargahının tələb və tövsiyələrinə riayət edilməsi ilə bağlı izahetmə-xəbərdarlıq edilib. Aşkarlanan ciddi qanun pozuntuları hüquq mühafizə orqanlarının əməkdaşları tərəfindən sənədləşdirilib. Əhaliyə və ticarət obyektləri sahiblərinə tibbi qoruyucu maskalardan istifadə, sosial izolyasiya və sanitar-gigiyena qaydalarına ciddi riayət edilməsi barədə göstərişlər verilib.

Gəncə şəhəri, Nizami rayonu ərazisində koronavirusla mübarizə çərçivəsində həyata keçirilən kompleks tədbirlərin miqyası genişləndirib

Azərbaycan Respublikası Nazirlər Kabinetinin müvafiq qərarına əsasən, Gəncə də daxil olmaqla, ölkənin bir sıra şəhər və rayonlarında tədbiq olunan sərtlərşdirilmiş karantin rejimi davam edir. Gəncə Şəhər Nizami Rayon İcra Hakimiyyətinin mobil qrupları tərəfindən koronavirus pandemiyası ilə mübarizə çərçivəsində həyata keçirilən kompleks tədbirlərin miqyasını isə bu günlərdə daha da genişləndirib.

Bu dəfəki reydlər bazarlarda, böyük marketlərdə və kənd təsərrüfatı məhsullarının satış məntəqələrində aparılıb. Reyddə Nizami Rayon İcra Hakimiyyətinin başçısı Nizami Hacıyev və Gəncə Şəhər Nizami Rayon Polis İdarəsinin rəis müavini İrza Nağıyev iştirak ediblər.

Reyd zamanı sözügedən məkanlarda Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin tələblərinə hansı səviyyədə əməl olunduğu yoxlanılıb. Sahibkar, satıcı və alıcıların müvafiq icazələrinin olub-olmamasına baxılıb. Reyd zamanı satıcı və alıcılarla maarifləndirici söhbətlər aparılıb, müəyyən olunmuş qaydalara əməl edilməsinin önəmi bir daha xatırladılıb. Sakinlərə sosial məsafə saxlamaq, tibbi maska, əlçək və spirt kimi, qoruyucu vasitələrdən istifadə etməyin vacibliyi bildirilib.

Qeyd edək ki, Gəncənin Nizami rayonu ərazisində yeni növ koronavirus infeksiyasının geniş yayılmasının qarşısının alınması istiqamətində həyata keçirilən kompleks tədbirlər davam etdirilir.