ABŞ və Rusiya razılaşdı: Türkiyə qalır, İran çıxarılır!

ABŞ və Rusiya razılaşdı: Türkiyə qalır, İran çıxarılır! Rusiya və ABŞ Suriya məsələsi ilə bağlı razılığa gəlib və Türkiyə regionda aktiv şəkildə fəaliyyətini davam etdirəcək.

Bu sözləri YPG nümayəndəsi Bedran Çiya deyib.

O bildirib ki, tərəflər İsraildə Suriyanın taleyi ilə bağlı mühüm qərara imza atıb:

“Əslində, bu razılaşmanın təməli bir il öncə qoyulub. Biz məsələ ilə bağlı strateji qərarların verildiyini düşünürük. Zənnimizcə, Rusiya İranın Suriyadan çıxarılmasını qəbul edib. Digər tərəfdən, Əsədin də getməsi ilə razılaşıblar. Üçüncüsü isə Rusiya İdlibin Türkiyənin nəzarətində qalmasını təsdiqləyib. Heyəti Təhrir əş-Şam xaric, digər qrupların İdlibdə olmasına “hə” deyib. Türkiyənin hərbi obyektlərinin orada qalması məsələsi də razılaşdırılıb. Bu, NATO-nun istəyidir. İki güc anlaşıb”.

Çiya bildirib ki, razılaşmalarda bütün tərəflərin mənafeyi nəzərə alınıb. /Axar.az/

Oxşar xəbərlər