Tanınmış müğənni Tacir Şahmalıoğlu “Xəzər” televiziyasında Zaur Nəbioğlunun aparıcılığıyla yayımlanan “Olduğu kimi” verilişinin qonağı olub.
Sənətçinin 3 il öncə vəfat etmiş kiçik qardaşının həyat yoldaşı atasının evinə getdiyi açıqlanıb. Z.Nəbioğlu müğənniyə gəlinlərinin dediklərini çatdırıb:

“Qardaşınızın həyat yoldaşı söylədi ki, dörd aya yaxındır nə maddi, nə mənəvi bizim yanımızda deyillər. Hətta bildirdi ki, uşaqları onlara göstərməyəcəyəm”.

T.Şahmalıoğlu qardaşının həyat yoldaşının dediklərinə belə reaksiya verib:

“Hər bir ailədə mübahisə olur. Hər zaman o uşaqların arxasındayam. Bilirəm ki, o uşaqları bizə göstərməsə də, bir az böyüyəndən sonra əmilərinə ehtiyacı olacaq. İmkan olduqca hamımız öz balalarımıza edə bilmədiklərimizi o uşaqlara etməyə çalışırıq. Deyirəm ki, lənət şeytana. İnanıram ki, bu vəziyyət çox sürməyəcək. Mən o insanı da başa düşürəm. Çünki durduğu yerdə evinin başçısını, uşaqlarının atasını itirib”.

T.Şahmalıoğlunun 83 yaşlı anası Südabə xanım da nəvələrini görmək istədiyini dilə gətirib.