Türkiyə ordusu Qəndildə hər an əməliyyatlara başlaya bilər.
Muxalifet.az xəbər verir ki, bunu Türkiyə baş nazirinin müavini Bəkir Bozdağ bildirib.
"Qəndilin terrorun mərkəzi olduğunu bilməyən yoxdur. Biz İraqın şimalında da terrorçuların sığınacağına girməyə davam edirik. Bundan sonra da hər şey ola bilər", - Bozdağ vurğulayıb.
Qeyd edək ki, ötən gün Türkiyə Silahlı Qüvvələrinin (TSQ) Qəndil bölgəsinin mərkəzindən cəmi 22 kilometr məsafədə qərarlaşdığı barədə açıqlama yayılmışdı.