Gənclər və İdman naziri Azad Rəhimov yeddi ölkənin İslam Oyunlarında iştirakı ilə bağlı maliyyə çətinliyi ilə üzləşdiyini və Azərbaycanın həmin ölkələrə yardım edəcəyini bildirib Ölkə.az-ın məlumatına görə, nazir vurğulayıb ki, əsas məqsəd 57 İslam ölkəsinin hamısının Bakıdakı yarışda iştirakını təmin etməklə rekord vurmaqdır:
"Artıq 50 ölkədən tam təsdiq cavabı almışıq və onlar yarışlarda iştirak edəcəklər. Qalan yeddi ölkə bəzi səbəblərə görə hələ ki gələ bilmirlər, maliyyə məsələlərində problemlər var. Biz çalışırıq ki, onlara da kömək edək və bu Oyunlara cəlb edək”.
