Azərbaycanın neft və qaz sənayesi ölkənin iqtisadi inkişafının dayağı, strateji əhəmiyyətli sahəsidir. Bu sahədə fəaliyyət göstərən müəssisələrin uğuru yalnız texnologiya və resurslarla deyil, həm də onların arxasında duran liderlərin bacarığı, uzaqgörənliyi və məsuliyyətindən asılıdır. “Neftqaztikinti” trestinin müdiri Qağaməli Seyfullayev məhz belə liderlərdən biridir. Onun rəhbərliyi altında trest ölkənin neft-qaz əməliyyatlarının etibarlı və uğurlu həyata keçirilməsində əsas rol oynayır.“Neftqaztikinti” tresti SOCAR-ın müəssisə və təşkilatları tərəfindən həyata keçirilən neft-qaz əməliyyatları çərçivəsində quruda və dənizdə, həm dərin, həm də dayaz yataqlarda tikinti, quraşdırma və təmir işlərini uğurla icra edir. Bu mürəkkəb və məsuliyyətli sahədə hər bir iş, hər bir əməliyyat yüksək peşəkarlıq, diqqət və dəqiqlik tələb edir. Qağaməli Seyfullayev bu çətin vəzifələri uğurla idarə edən, həm komandasını, həm də resursları düzgün istiqamətləndirən liderdir.
Onun rəhbərliyi ilə trestdə tətbiq olunan müasir texnologiyalar və innovativ yanaşmalar əməliyyatların təhlükəsiz və səmərəli aparılmasını təmin edir. Qağaməli Seyfullayev texniki imkanları maksimum dərəcədə effektiv istifadə etməklə layihələrin vaxtında və keyfiyyətli başa çatdırılmasına nail olur.
Trestin işçiləri onun rəhbərliyində təkcə əməliyyat bacarıqlarını deyil, həm də peşə etikası, intizam və kollektiv əmək prinsiplərini öyrənirlər. Qağaməli Seyfullayev komandasında hər bir işçinin bacarığını görür, onu dəstəkləyir və inkişafına şərait yaradır. Bu yanaşma trestin kollektivində yüksək mənəvi ruh və əməkdaşlıq atmosferi yaradır.
Dənizdə və quruda aparılan işlərin çətinliyini anlamaq üçün onun rəhbərlik etdiyi layihələrin mürəkkəbliyini nəzərə almaq kifayətdir. Hər bir əməliyyat, hər bir tikinti və təmir işləri böyük risk və diqqət tələb edir. Qağaməli Seyfullayev həm təhlükəsizliyi təmin edir, həm də işlərin məhsuldarlığını və keyfiyyətini yüksəldir.
O, həm də sosial məsuliyyət daşıyan rəhbərdir. Trestin fəaliyyət dairəsində çalışan işçilərin sosial rifahı, şəraitin yaxşılaşdırılması onun prioritetlərindəndir. Eyni zamanda, Qağaməli Seyfullayev şəhid ailələrinə və qazilərə xüsusi diqqət göstərir, onların sosial vəziyyətinin yaxşılaşdırılması üçün təşəbbüslər həyata keçirir. Bu, onun həm vətəndaşlıq, həm də insanlıq mövqeyini nümayiş etdirir.
“Neftqaztikinti” trestinin uğurlarında Qağaməli Seyfullayevin uzaqgörən idarəçiliyi böyük rol oynayır. Onun strateji planlaması, resursları düzgün yönəltməsi və hər bir layihəyə fərdi yanaşması trestin Azərbaycanın enerji sektorunda etibarlı bir tərəfdaş kimi mövqeyini möhkəmləndirir.
Qağaməli Seyfullayevin rəhbərliyi ilə trestdə yüksək standartlar tətbiq edilir. İşçilərin peşəkarlığı artırılır, texniki imkanlar yenilənir və ən mürəkkəb əməliyyatlar belə sistemli şəkildə həyata keçirilir. Bu, Azərbaycanın enerji sektorunda təhlükəsiz və davamlı fəaliyyətin təmin olunmasında mühüm faktor hesab edilir.
O, həm də gənc mütəxəssislərin yetişdirilməsinə böyük önəm verir. Trestdə təcrübəli mühəndislərin yanında gənc kadrlar işləyir, onların bilik və bacarıqları inkişaf etdirilir. Qağaməli Seyfullayev gələcək nəsil üçün nümunəvi idarəçilik və peşəkar davranış sərgiləyir.
Qağaməli Seyfullayevin rəhbərliyi dövründə “Neftqaztikinti” tresti yalnız texniki uğurlara deyil, həm də mənəvi və sosial uğurlara imza atıb. Şəhid və qazi ailələrinə göstərilən diqqət, əməkdaşların rifahı və sosial layihələrin həyata keçirilməsi onun humanist rəhbər olduğunu göstərir.
Bununla yanaşı, trestdə innovasiya və modern texnologiyaların tətbiqi işlərin effektivliyini artırır. Qağaməli Seyfullayev müasir texnologiyaları tətbiq etməklə layihələrin sürətini yüksəldir və resurslardan səmərəli istifadəni təmin edir.
Dənizdə, çətin şəraitdə aparılan əməliyyatlar onun rəhbərliyi ilə təhlükəsiz, etibarlı və yüksək keyfiyyətlə icra olunur. Qağaməli Seyfullayev işçiləri üçün nümunəvi lider olmaqla yanaşı, onları motivasiya edir, hər bir uğuru kollektivin ümumi nailiyyəti kimi qeyd edir.
O, Azərbaycanın enerji sektorunda etibarlı, məsuliyyətli və sadiq rəhbər olaraq tanınır. Onun fəaliyyəti ölkənin strateji maraqlarına xidmət edir, neft-qaz layihələrinin davamlılığını və təhlükəsizliyini təmin edir.
Qağaməli Seyfullayevin fəaliyyəti bir daha sübut edir ki, peşəkarlıq, məsuliyyət və insan sevgisi ilə idarə olunan müəssisə həm uğur qazanır, həm də cəmiyyətin etimadını qazanır. “Neftqaztikinti” tresti onun rəhbərliyi ilə həm texniki, həm də mənəvi cəhətdən möhkəm bir dayaq mərkəzinə çevrilib.
“Neftqaztikinti” trestinin müdiri Qağaməli Seyfullayev - Son beş ildə dövlət başçısı İlham Əliyevin elə bir səfəri yoxdur ki, tarixi Zəfərimizdən, onun yaratdığı reallıqlardan bəhs etməsin. Bu möhtəşəm Qələbə ölkəmizin bütün sahələrdə davamlı inkişafına geniş imkanlar açdı. 30 illik işğala 44 gündə son qoyulması Azərbaycanın malik olduğu imkanların təqdimatı olmaqla yanaşı, xalqımızın öz tarixinə, torpaqlarına sahib çıxan xalq olduğunu təsdiqlədi. Cənab İlham Əliyev bu günlərdə Qazaxıstana dövlət səfəri çərçivəsində Prezidentlərin təkbətək görüşündə, Azərbaycan-Qazaxıstan Ali Dövlətlərarası Şuranın ikinci iclasında, mətbuata birgə bəyanatlarında bu məsələyə xüsusi diqqət yönəldərək bildirdi ki, işğal dövründə Qazaxıstan bütün beynəlxalq platformalarda, Azərbaycanın bütün beynəlxalq təşəbbüsləri çərçivəsində həmişə bizi dəstəkləyib, bizimlə həmrəyliyə səs verib və Ermənistan-Azərbaycan münaqişəsinin beynəlxalq hüquq və ədalət prinsiplərinə uyğun nizamlanmasına kömək edib.
Avqustun 8-də Vaşinqtonda, Ağ Evdə Prezident Trampın iştirakı və onun bu prosesə fəal köməyi ilə sülh sazişinin paraflanmasından sonra Qazaxıstan birincilər sırasında bu məsələyə öz münasibətini bildirdi. “Mənim Kasım-Jomart Kemeleviç ilə telefon danışığım olub, ona əldə edilən razılaşmaların bütün detalları haqqında məlumat vermişəm və bir daha Azərbaycana qardaş münasibətinin şahidi olmuşam. Biz bu gün də Ali Dövlətlərarası Şuranın iclası çərçivəsində bu məsələ haqqında da, ümumiyyətlə həmin razılaşmaların Cənubi Qafqaza və daha geniş coğrafiyaya, o cümlədən nəqliyyat-logistika sahəsinin inkişafına müsbət təsiri barədə danışmışıq” söyləyən cənab İlham Əliyev vurğuladı ki, Azərbaycan Ermənistana işğaldan bəri mövcud olan yüklərin tranziti məhdudiyyətlərini aradan qaldırıb. Belə bir ilk tranzit Qazaxıstanın Ermənistana taxıl yükü olub. Zənnimcə, bu, həmçinin Azərbaycan ilə Ermənistan arasında sülhün yalnız kağız üzərində deyil, həm də praktikada olduğunun yaxşı göstəricisidir.
Mətbuata bəyanatında Bakı və Astananın fəal qarşılıqlı fəaliyyətinin ciddi geosiyasi əhəmiyyət daşıdığını əsaslı şəkildə diqqətə çatdıran Prezident İlham Əliyev bunu “Bu gün ölkələrimiz arasında aktiv qarşılıqlı fəaliyyət həm də çox mühüm geosiyasi əhəmiyyətə malikdir. Bu gün yeni nəqliyyat marşrutları açıldıqca, daha geniş Avrasiya regionunda birləşdirici layihələr həyata keçirildikcə, Qafqaz və Mərkəzi Asiya daha sıx əlaqələndikcə və tez-tez vahid coğrafi məkan çərçivəsində fəaliyyət göstərdikcə, bütün bunlar qarşılıqlı fəaliyyətin konkret nəticələr verməsini təmin etmək üçün daimi diqqət və təbii ki, dövlət başçılarının iştirakını tələb edir” fikirləri ilə ifadə etdi. Cənan İlham Əliyev mətbuata bəyanatında Zəngəzur dəhlizinin açılması məsələsindən danışaraq vurğuladı ki, hazırda planlaşdırdığımız və həyata keçirdiyimiz bütün işlərlə yanaşı, Zəngəzur dəhlizi layihəsi də böyük potensiala malikdir. Azərbaycan ərazisində bütün avtomobil və dəmir yolu əlaqələri gələn ilin ortalarına qədər tamamlanacaq. Ümid edirik ki, digər ölkələrin ərazisində də hər şey belə sürətlə reallaşdırılacaq və belə olan halda Zəngəzur dəhlizinin açılması 2028-ci ilin sonuna qədər baş verə bilər. O da qeyd olundu ki, TRIPP layihəsi mütləq reallaşdırılacaq. Diqqəti avqustda keçirilən Vaşinqton Sammitinin nailiyyətlərindən biri kimi TRIPP layihəsinə yönəldən cənab İlham Əliyev vurğuladı ki, Prezident Donald Tramp layihəyə öz adını verib və bu, layihənin mütləq reallaşdırılacağından xəbər verir. Bununla da Orta Dəhlizin daha bir marşrutu açılır. Ənənəvi mövcud olanlara daha biri əlavə olunur – Zəngəzurdan ən yüksək müasir standartlarla 15 milyon ton yük dövriyyəsi. Beləliklə, Asiyadan Avropaya və əks istiqamətdə bizim ölkələrimizdən keçən yüklərin həcmi özlüyündə artım potensialına malikdir, amma həm də onların qəbulu və göndərilməsi üçün daha böyük potensial olacaq.
Tarixi Zəfərimizin mühüm reallıqlarından biri işğaldan azad edilmiş ərazilərimizdə bərpa-quruculuq işlərinə dost, qardaş ölkələrin dəstəyidir. Cənab İlham Əliyev dost hədiyyəsi kimi dəyərləndirilən bu mühüm addımı da xüsusi qeyd etdi ki, Azərbaycanın bütün vətəndaşları, o cümlədən indi azad olunmuş Qarabağda yaşayanlar Qarabağın dirçəlişində Prezident Tokayevin və qardaş Qazaxıstan xalqının rolunu həmişə minnətdarlıqla qeyd edirlər. Prezident Tokayevlə Füzulidə açılışını etdiyimiz Kurmanqazı adına Uşaq Yaradıcılıq Mərkəzi bu gün təkcə uşaqların təhsili və inkişafı ocağı deyil, həm də qardaşlığımızın və dostluğumuzun rəmzidir. Qarabağ bölgəsinə istər avtomobil nəqliyyatı ilə, istərsə də avianəqliyyatla səfər edən istənilən şəxs, Füzulidən başqa bölgələri ziyarət etmək üçün istifadə edənlər Kurmanqazı adına Mərkəzin yaxınlığından keçərkən hər bir Azərbaycan vətəndaşı və ölkəmizin qonağı qardaş köməyinin şahidi olur. Bu, bizim, o cümlədən Qazaxıstanın qardaş köməyi sayəsində genişmiqyaslı Böyük Qayıdış layihəsini uğurla həyata keçirdiyimiz bir vaxtda müstəsna əhəmiyyətə malikdir.
Prezident İlham Əliyevin səfərdən əvvəl “Kazinform” agentliyinə verdiyi müsahibəsi də Azərbaycan-Qazaxıstan əlaqələrinin keçdiyi tarixi yolun, bu gün formalaşmış etibarlı tərəfdaşlığın və yeni mərhələyə yüksələn strateji əməkdaşlığın əhatəli təhlili kimi dəyərləndirildi. Cənab İlham Əliyev qeyd etdi ki, Qazaxıstana hər səfərimdə dinamik inkişafı, yeni uğurları müşahidə etmək mənim üçün xoşdur. Bu nailiyyətlər Prezident Kasım-Jomart Tokayevin rəhbərliyi ilə həyata keçirilən məqsədyönlü və düşünülmüş dövlət siyasətindən xəbər verir. Ölkənin modernləşdirilməsinə və iqtisadiyyatın şaxələndirilməsinə yönəlmiş islahatların uğurla həyata keçirilməsi xüsusi təsir bağışlayır. Bu uğurlar münasibətilə bütün qardaş Qazaxıstan xalqını təbrik etmək istərdim. Prezident Kasım-Jomart Tokayevin son illərdə Azərbaycana altı dəfə səfər etdiyini önə çəkən cənab İlham Əliyev vurğuladı ki, bütün bunlar ölkələrimiz arasında hərtərəfli tərəfdaşlıq və qarşılıqlı strateji fəaliyyətin inkişafına müştərək səylərimizi nümayiş etdirir. Bundan əlavə, müntəzəm təmaslar bizə gündəlikdə duran aktual məsələləri operativ şəkildə həll etməyə və əməkdaşlığın əsas istiqamətləri üzrə razılaşdırılmış mövqeləri müəyyənləşdirməyə imkan verir.
