“ATF” MMC şirkətinin rəhbəri Azad Muradov - Xarici siyasətin uğurlu nəticələri. Azərbaycanın Mərkəzi Asiya dövlətləri ilə əlaqələri yüksələn xətlə inkişaf edir. 2020-ci ildə Vətən müharibəsində Qarabağı və Şərqi Zəngəzuru erməni işğalından azad edən Azərbaycan bununla Türk dünyası ölkələri arasında coğrafi bağlantını da təmin etmək üçün gözəl imkan yaradıb. 2020-ci il 10 noyabr tarixli üçtərəfli Bəyanatda Zəngəzur dəhlizinin açılması ilə bağlı bəndin yer alması və bu müddəanın yerinə yetirilməsi Türk dövlətlərini coğrafi baxımdan da bir-birinə bağlayacaq, Şərqdən Qərbə uzanan vahid marşrut xəttini formalaşdıracaq ki, bu da böyük bir coğrafiyada yüklərin rahatlıqla, qısa zaman kəsiyində və daha münasib qiymətə daşınmasına böyük töhfə verəcək.

Azərbaycanın Mərkəzi Asiya dövlətləri ilə inkişaf edən və genişlənən əlaqələrini xarakterizə edən amillərdən biri də yüksək səviyyəli qarşılıqlı səfərlərdir. Təsadüfi deyil ki, son 2-3 il ərzində Prezident İlham Əliyev mütəmadi olaraq Mərkəzi Asiya dövlətlərinə, o regionda yerləşən ölkələrin başçıları isə Azərbaycana səfərlər edirlər. Həmin səfərlər zamanı imzalanan sənədlər ölkələr arasında əməkdaşlığın genişləndirilməsi üçün möhkəm təməl rolunu oynayır.

Dövlət başçısı İlham Əliyevin bu günlərdə Türkmənistana işgüzar səfəri, səfər çərçivəsində Türkmənistan, Azərbaycan və Özbəkistan arasında yüksəksəviyyəli görüşün keçirilməsi türk dünyasının birliyinə növbəti töhfə oldu. Keçirilən görüşlərdə həm ölkələr arasında ikitərəfli, eyni zamanda, beynəlxalq təşkilatlar çərçivəsində əlaqələrin hazırkı inkişaf səviyyəsi geniş təhlil edildi. Dövlət başçısı İlham Əliyev yüksəksəviyyəli Türkmənistan-Azərbaycan-Özbəkistan görüşünün nəticələrinə həsr edilən mətbuata birgə bəyanatında bildirdi ki, bu, mənim Avaza şəhərinə ikinci səfərimdir və burada gedən inkişaf əyani şəkildə onu göstərir ki, ölkə etibarlı əllərdədir: “Qurbanqulu Məlikquliyeviçin müdrik rəhbərliyi sayəsində həm Avaza, həm də bütün digər şəhər və kəndlər inkişaf edir, abadlaşır, yeni şəhərlər salınır. Bu gün imzalanan sənədlər arasında Arxadağla Füzuli şəhərlərinin qardaşlaşma sənədi də var. Bu, əslində, bizim qardaşlığımızın rəmzidir. Türkmən və Azərbaycan xalqları əsrlər boyu bir ailə kimi, qardaşlar kimi yaşayıb-yaratmışlar. Bu gün iki müstəqil dövlət bu ənənələrə sadiqdir, bu ənənələri yaşadır və yeni üfüqlərə doğru birgə addımlayır”.

Bu mühüm məqam da qeyd edildi ki, ötən ay Türkmənistan Xalq Məsləhətinin sədri Qurbanqulu Berdiməhəmmədov Füzulidə olarkən burada Türkmənistanın hədiyyəsi olan məscidin tikintisi ilə bağlı təklif irəli sürdü. Cəmi bir ay keçməsinə baxmayaraq, artıq məscidin memarlıq təsviri hazırdır və yaxın gələcəkdə təməli də qoyulacaqdır. Bu, türkmən xalqının, Türkmənistan Liderinin Azərbaycan xalqına, Azərbaycana olan dəstəyinin nümunəsidir, bizim qardaşlığımızın təcəssümüdür.

Dövlət başçısı İlham Əliyev mətbuata bəyanatında diqqəti Xankəndi şəhərində keçirilən İqtisadi Əməkdaşlıq Təşkilatının 17-ci Zirvə görüşünə yönəldərək bildirdi ki, qardaşım Şavkat Miromonoviçi də eyni qardaşlıq hissləri ilə qəbul etmişik. Xankəndidə olarkən Şavkat Miromonoviçin təşəbbüsü ilə yaradılmış böyük tikiş fabrikinin fəaliyyəti ilə tanış olduq. Hazırda orada iki yüzdən çox insan çalışır. Onların mütləq əksəriyyəti qadınlardır və bu fabrikin genişləndirilməsi nəticəsində orada işləyənlərin sayı bir neçə dəfə artacaq. Bu, Azərbaycana, dirçələn Qarabağ bölgəsinə qardaş özbək xalqından çox böyük hədiyyədir. Birinci hədiyyəni isə biz Qarabağın dirçəldilməsi istiqamətində atılmış addımlar arasında yenə də Şavkat Miromonoviçin təşəbbüsü ilə Füzulidə dahi özbək mütəfəkkiri Mirzə Uluqbəyin adını daşıyan 960 şagird yerlik orta məktəbin timsalında gördük. O məktəb bizim iştirakımızla açılmışdır və artıq orada yüzlərlə gənc qarabağlı oxuyur, hər dəfə o məktəbin yanından keçəndə həm qardaş özbək xalqına, həm də onun lideri Şavkat Miromonoviçə minnətdarlıq hisslərini ifadə edir.

Prezident İlham Əliyev əminliklə bildirdi ki, bu, sözdə yox, əməldə dostluqdur, qardaşlıqdır. Bizim üçün ən vacib, ən çətin məsələlərdə həmişə qardaşlarımız yanımızda olub. Bu gün də bu belədir. Bu, tarixi görüşdür, tarixi sammitdir, tarixi Zirvə görüşüdür.

Azərbaycanın regionlarında infrastrukturun inkişafı, xüsusilə də yol tikintisi və bərpası sahəsində həyata keçirilən layihələr ölkənin sosial-iqtisadi tərəqqisinin əsas dayaqlarından biridir. Bu istiqamətdə Göyçay rayonunda fəaliyyət göstərən “ATF” MMC, son illərdə peşəkar yanaşması və keyfiyyətli icra etdiyi layihələrlə diqqət mərkəzindədir. Şirkətin uğurlu fəaliyyətinin başında isə məsuliyyətli və uzaqgörən rəhbər Azad Muradov dayanır.

Azad Muradov uzun illərin idarəçilik təcrübəsi və sahəyə olan dərindən anlayışı ilə “ATF” MMC-ni yerli yol infrastrukturunun yenilənməsi və təkmilləşdirilməsi istiqamətində mühüm rol oynayan bir tikinti təşkilatına çevirib. Onun rəhbərliyi altında şirkət asfalt yollarının salınması, bərpası, abadlıq işləri və yol infrastrukturu ilə bağlı mühəndislik həllərinin tətbiqi sahəsində irəliləyişlər əldə edib.

Xüsusilə Göyçay rayonunda həyata keçirilən layihələrdə “ATF” MMC-nin imzası keyfiyyət və dayanıqlıqla tanınır. Şirkət kəndlərarası yolların abadlaşdırılması, yaşayış məntəqələrinin nəqliyyat əlaqələrinin yaxşılaşdırılması, həmçinin insanların gündəlik həyatına müsbət təsir edən sosial əhəmiyyətli yolların tikintisində fəal iştirak edir.

Azad Muradovun rəhbərliyi ilə “ATF” MMC yüksək texniki potensiala malik avtonəqliyyat parkı, təcrübəli mühəndis heyəti və səmərəli işçi komandası ilə fəaliyyətini qurmuşdur. O, tikinti proseslərində beynəlxalq texniki standartlara, təhlükəsizlik və ekoloji tələblərə uyğunluğu daim ön planda tutur.

Eyni zamanda, Azad Muradov öz fəaliyyətində sosial məsuliyyət prinsiplərinə də sadiqdir. Şirkət tərəfindən şəhid ailələrinə, aztəminatlı ailələrə, yaşlı və qayğıya ehtiyacı olan insanlara mütəmadi olaraq dəstək göstərilməsi, onun humanist dəyərlərə sadiqliyini və vətəndaş məsuliyyətini əks etdirir.

Azad Muradovun rəhbərliyi ilə “ATF” MMC regionda infrastrukturun inkişafı istiqamətində aparılan işlərə mühüm töhfələr verir və bu fəaliyyət gələcək illərdə də daha geniş miqyasda davam etdiriləcək.

"ATF" Şirkəti Haqqında Yayılan Şər və Böhtanlara CAVAB – Peşəkar Uğura Gərəksiz Kölgə Salmayın
Son günlərdə bəzi mediada “Tender kralı” başlığı ilə təqdim edilən məlumatlarda “ATF” şirkətinə qarşı əsassız və qərəzli ittihamlar səsləndirilməkdədir. Həmin yazılarda şirkətin guya müəyyən dairələrə bağlı olduğu, yalnız əlaqələr sayəsində tenderlərdə qalib gəldiyi və texniki imkanlarının qeyri-müəyyən olduğu iddia olunur. Lakin bu iddialar həm hüquqi, həm də məntiqi baxımdan təhrif olunmuş və reallıqdan uzaq mövqedən irəli gəlmiş yanaşmalardır.

Fəaliyyət Şəffaflığı və Hüquqi Uyğunluq
“ATF” MMC, Azərbaycan Respublikasının qanunvericiliyinə uyğun olaraq 2003-cü ildən etibarən rəsmi fəaliyyət göstərən, vergi ödəyicisi olan, dövlət tenderlərində şəffaf iştirak edən və seçmə qaydada yox, açıq müsabiqə əsasında qalib gələn bir şirkətdir. Şirkət, fəaliyyətini “Dövlət Satınalmaları haqqında” Qanuna və elektron tender platformasının prosedur qaydalarına tam uyğun şəkildə həyata keçirir. Tenderlərdə qalib gəlmək üçün təkcə qiymət yox, həm də texniki imkanlar, əvvəlki təcrübə və peşəkar kadr heyəti kimi kriteriyalar əsas götürülür.

Texniki Baza və Peşəkar Komanda
Mediada səsləndirilən “texniki baza bəlli deyil” kimi iddialar isə dezinformasiya və şübhə toxumu səpmək cəhdindən başqa bir şey deyil. “ATF” MMC-nin texniki parkında yüzlərlə vahid ağır texnika – ekskavatorlar, asfalt döşəyici maşınlar, yük daşıyan nəqliyyat vasitələri və digər ixtisaslaşdırılmış mexanizmlər yer alır. Şirkət bu texnikalar vasitəsilə Mingəçevirdən Lənkərana, Qazaxdan Şabrana qədər onlarca rayonda onlarla layihəni uğurla və vaxtında başa çatdırmışdır.

Uğur Niyyətlə Qazanılır, Yoxsa Qərəzlə Gözardı Edilir?
“ATF” MMC-nin Azad, Təbriz və Fəxrəddin Muradov qardaşlarına məxsus olduğu qeyd olunur və bu fakt əsas gətirilərək guya kənar dairələrlə bağlılıq axtarılır. Lakin unudulmamalıdır ki, ailəvi biznes modeli dünyanın inkişaf etmiş ölkələrində də ən uğurlu və stabil fəaliyyət göstərən strukturlardan biri hesab olunur. Bu gün “ATF” şirkətinin müstəqil idarəetmə sistemi, şəffaf mühasibatlığı və peşəkar mühəndis heyəti var.

Tender qalibi olması isə şirkətin illərlə formalaşmış peşəkar nüfuzu və texniki keyfiyyətləri ilə əlaqəlidir, hansısa şəxslərə yaxınlıqla deyil.

“Tender kralı” – uğurun ifadəsidirmi, yoxsa qərəzin parçası?
“ATF” şirkətinin uğurla icra etdiyi çoxsaylı layihələr, yerli icra hakimiyyətləri və dövlət qurumları tərəfindən yüksək qiymətləndirilmiş və ictimaiyyətin razılığı ilə qarşılanmışdır. Əgər bu uğurlara görə kimlərsə “Tender kralı” deyə təqdim edirsə, bu yalnız şirkətin bacarığının təsdiqi kimi qəbul edilməlidir, ittiham vasitəsi kimi yox.

Nəticə: Şəffaf Uğura Kölgə Salmaq Olmaz
“ATF” MMC-yə qarşı mediada yer alan yazılar, təəssüf ki, araşdırılmamış, subyektiv və məqsədli şəkildə formalaşdırılmış fikirlərdir. Bu cür əsassız yazılarla həm ictimaiyyət çaşdırılır, həm də dövlət satınalmalarında şəffaflıq prinsipinə hörmətsizlik edilir.

Biz bu gün real işləri, möhkəm təməl üzərində qurulmuş etibarı və onlarla uğurlu layihəni əsas tutaraq bildiririk ki, “ATF” şirkəti yalnız qabiliyyəti və zəhməti ilə fəaliyyətini davam etdirir və bundan sonra da Azərbaycanın infrastrukturunun inkişafına mühüm töhfələr verməyə davam edəcəkdir.