NİİM alternativ yolları göstərib

Nəqliyyat Nazirliyi Nəqliyyatı İntellektual İdarəetmə Mərkəzi sürücülərə xəbərdarlıq edib.

NİİM-dən verilən məlumata görə, gələn il iyun ayında Bakı şəhərində keçiriləcək Formula 1 yarışı ilə bağlı hazırlıq işləri çərçivəsində Zərifə Əliyeva və Bülbül prospektlərində asfalt örtüyünün dəyişdirilməsi ilə əlaqədar nəqliyyat vasitələrinin hərəkəti məhdudlaşdırılıb.

Neftçilər prospektinin Zərifə Əliyeva prospektinə paralel hissəsində alternativ olaraq nəqliyyat vasitələrinin iki istiqamətli hərəkəti təşkil edilmişdir.