Çin Rusiya-Ukrayna müharibəsində tərəfləri gərginliyi azaltmağa çağırıb.

Bunu Çin Xarici İşlər Nazirliyinin sözçüsü Lin Cien Kiyevdə Uşaq Xəstəxanası da daxil olmaqla bir çox bina və infrastrukturun zədələndiyi hücumla bağlı sualı cavablandırarkən deyib.

O bildirib ki, Çinin Ukrayna məsələsində mövqeyi sabit və aydındır.

"Tərəflər məsuliyyətlə gərginliyi azaltmalı və atəşkəs və siyasi həll üçün vəziyyəti qiymətləndirməlidirlər", - o qeyd edib.