Kürdəmir rayonunda fermada yanğın baş verib.

Fövqəladə Hallar Nazirliyindən verilən məlumata görə, hadisə bu gecə rayonun Muradxan kəndində baş verib.

Ümumi sahəsi 2200 m2 olan tikilinin yanar konstruksiyaları, içərisinə yığılmış 4000 ton ot bağlaması və yaxınlıqda 1 ha sahədə kol-kos yanıb.

Bitişik ümumi sahəsi 6200 m2 olan digər tikili, ümumi sahəsi 1400 m2 olan talvar və altına yığılmış 6000 ton ot bağlaması, 300 ton arpa-buğda yanğından mühafizə olunub.

Yanğın yanğınsöndürənlər tərəfindən söndürülüb.