İlham Əliyev fransalı həmkarına başsağlığı verdi

İlham Əliyev fransalı həmkarına başsağlığı verdi “Bu xəbər bizi olduqca sarsıtdı”

Azərbaycan Prezidenti İlham Əliyev fransalı həmkarı Fransua Ollanda Nitse şəhərində törədilmiş terror aktı nəticəsində çox sayda insanın həlak olması ilə bağlı başsağlığı məktubu yollayıb.

Məktubda deyilir:

“Hörmətli cənab Prezident, Nitsa şəhərində törədilmiş dəhşətli terror aktı nəticəsində çox sayda insanın həlak olması və yaralanması xəbəri bizi olduqca sarsıtdı.

Biz bu qəddarlıq əməlindən son dərəcə hiddətlənir, bütün dünya üçün dəhşətli bir bəlaya çevrilmiş terrorizmə qarşı mübarizə sahəsində qüvvələrin səfərbər olunmasını, birgə və qətiyyətli səylər göstərilməsini vacib və zəruri hesab edirik.

Bu ağır anlarda kədərinizi bölüşür, Sizə, həlak olanların ailələrinə və yaxınlarına, bütün Fransa xalqına öz adımdan və Azərbaycan xalqı adından dərin hüznlə başsağlığı verir, yaralananların tezliklə sağalmasını arzulayıram”.

Oxşar xəbərlər