“Bu, Moskvanın artan aktivliyinə cavabdır”

NATO-nun qərb müttəfiqləri Rusiya ilə sərhəddə 4 minə yaxın hərbçidən ibarət 4 tabor yerləşdirməyə hazırlaşırlar.

Bu barədə The Wall Street Journal yazıb.

Qeyd olunur ki, Baltikyanı ölkələrə iki taboru ABŞ, daha iki taboru isə Almaniya və Böyük Britaniya göndərəcək.

ABŞ müdafiə nazirinin müavini Robert Uork NATO-nun Baltika ölkələrində yerləşdirməyə planlaşdırdığı hərbçilərin sayını təsdiqləyib.

O, qeyd edib ki, NATO-nun bu hərəkəti Rusiyanın regionda artan aktivliyinə cavabdır.