Türkiyənin Balıkesir vilayətinin Sındırğı rayonunda baş verən zəlzələ nəticəsində 1 nəfər ölüb, 29 nəfər xəsarət alıb.

Bu barədə Türkiyənin daxili işlər naziri Ali Yerlikaya mətbuat konfransında məlumat verib.

Onun sözlərinə görə, dağıntılar altından çıxarılan 81 yaşlı kişi həkimlərin səylərinə baxmayaraq, dünyasını dəyişib.

***

Türkiyənin Balıkesir vilayətinin Sındırgı rayonunda zəlzələ nəticəsində çökən binada dağıntılar altında qalan 6 nəfərdən 5-i xilas edilib.

Bunu Türkiyənin daxili işlər naziri Ali Yerlikaya bildirib.

Ali Yerlikaya dağıntılar altında qalan 1 nəfərlə bağlı axtarış-xilasetmə əməliyyatının davam etdiyini nəzərə çatdırıb.


***

Balıkəsirin Sındırgı rayonunda baş verən 6,1 maqnitudalı zəlzələdən sonra 4,6, 4,1 və 4 bal gücündə daha üç zəlzələ baş verib.

Bu haqda AFAD məlumat yayıb.

Zəlzələlər 20:01-də 4,6, 20:04-də 4,1 və 20:06-da 4 bal gücündə qeydə alınıb.

Sındırqı vilayət valiliyinin məlumatına görə, ilk təkanlardan sonra 10-a yaxın yaşayış binası çöküb.

İstanbulun Sultanqazi və Bahçelievler ərazisində də vətəndaşlar evlərini tərk edib. Küçükçekmecede sakinlər parklara axın edib.


***

Türkiyənin Balıkesir vilayətinin Sındırgı rayonunda 6,1 maqnitudalı zəlzələ baş verib.

Ölkə.az AFAD-a istinadən xəbər verir ki, təkanlar İstanbul da daxil olmaqla, Marmara bölgəsinin bir çox yerində hiss olunub.

Hadisə nəticəsində bir bina çöküb.

Məlumataa görə, zəlzələ yerli vaxtla saat 19:53-də qeydə alınıb və yerin 11 kilometr dərinliyində baş verib.

Hazırda dağıntılar altında qalanların olub-olmadığı məlum deyil.

***

Türkiyənin İstanbul şəhərində 6,1 maqnitudalıq zəlzələ olub.

Bu barədə "A Haber" məlumat yayıb.

Təbii fəlakətin fəsadları barədə hələ məlumat yoxdur.