Xəzər rayonunda qəbul imtahanlarında yüksək bal toplayan gənclərlə görüş keçirilmişdir

Xəzər rayonunda 2021-2022-ci tədris ilində yüksək nəticələr əldə edərək ali təhsil müəssisələrinə qəbul olunmuş tələbələrlə Rayon İcra Hakimiyyəti rəhbərliyinin və rayon ictimaiyyətinin görüşü keçirilmişdir.

6 sentyabr 2022-ci il tarixində Mərdəkan Mədəniyyət Sarayında keçirilən görüşdə Xəzər Rayon İcra Hakimiyyətinin başçısı Elşən Salahov, Millət vəkili Rauf Əliyev, YAP Xəzər rayon Təşkilatının sədri Namiq Əhmədov, Təhsil İşçiləri Azad Həmkarlar İttifaqının Xəzər rayon Komitəsinin sədri Həzərxan Əbilov, təhsil müəssisələrinin müəllimləri və tələbə adını qazanmış gənclər iştirak etmişdir.

İlk öncə tədbir iştirakçıları tərəfindən Respublikamızın ərazi bütövlüyünün qorunması, bərpası və torpaqlarımızın işğaldan azad edilməsi uğrunda döyüşlərdə şəhidlik zirvəsinə ucalan Vətən övladlarının xatirəsi bir dəqiqəlik sükutla yad edilmişdir.

Tədbirdə çıxış edən Xəzər Rayon İcra Hakimiyyətinin başçısı Elşən Salahov bu il tələbə adını qazanan məzunları təbrik etmiş, yeni tədris ilində onlara uğurlar arzulamışdır. O, Azərbaycanın son illər təhsil sistemində əldə etdiyi uğurlarından və təhsil sahəsinin inkişafına göstərilən dövlət qayğısından danışaraq bildirmişdir ki, bu siyasətin uğurlu nəticələri Xəzər rayonunun həyatında da öz əksini tapır. E.Salahov Ulu Öndər Heydər Əliyevin siyasi kursunu layiqincə davam etdirən dövlətimizin başçısı cənab İlham Əliyevin və Birinci vitse-prezident Mehriban xanım Əliyevanın rəhbərliyi ilə Respublikamızın hər yerində olduğu kimi Xəzər rayonunda da inşa edilən, müasir standartlara cavab verən yeni məktəb binalarının, təhsil müəssisələrinin maddi-texniki bazasının möhkəmləndirilməsinin Azərbaycanda təhsilin inkişafının dövlət siyasətinin prioritet istiqamətlərindən biri olduğunu vurğulamışdır.

Daha sonra Millət vəkili Rauf Əliyev, YAP Xəzər Rayon Təşkilatının sədri Namiq Əhmədov, Təhsil İşçiləri Azad Həmkarlar İttifaqının Xəzər rayon Komitəsinin sədri Həzərxan Əbilov və 125 nömrəli məktəbin direktoru Zeynəb Əliyeva çıxış edərək rayonumuzun çətin bilik yarışmasında qalib çıxaraq tələbə adını qazanan bütün orta məktəb məzunlarını bu böyük uğur münasibətilə ürəkdən təbrik edərək bildirmişdirlər ki, 2005-ci ildən etibarən Heydər Əliyev Fondunun dəstəyi ilə ölkəmizin müxtəlif bölgələri ilə yanaşı Xəzər rayonunda təhsil və səhiyyə ocaqlarının bərpası və yeniləri ilə əvəzlənməsi müasir Azərbaycanın inkişaf tarixində parlaq bir səhifədir. "Yeniləşən Azərbaycana yeni məktəb", Uşaq evləri və internat məktəblərinin inkişafına dəstək layihələrinin gerçəkləşməsi kimi vacib tədbirlər Xəzər rayonunda da baş vermişdir.

Görüşdə IV ixtisas qrupu üzrə ən yüksək - 700 balı toplayan Nigar Ağazadə və Vətən Müharibəsi şəhidi Mirzə Axundovun oğlu Ağamusa Axundov çıxış edərək, onlara yaradılan şəraitə, diqqət və qayğıya görə ölkə başçısı cənab İlham Əliyevə və Birinci vitse-prezident Mehriban xanım Əliyevaya öz təşəkkürlərini bildirmişlər.

Sonda tələbə adını qazanmış gənclərə hədiyyələr təqdim edilmiş və onlarla xatirə şəkli çəkidirilmişdir.

Xəzər rayonunda genişmiqyaslı abadlıq, təmir-bərpa və təmizlik işləri davam etdirilir

Bakı şəhərində aparılan genişmiqyaslı abadlıq-quruculuq işləri çərçivəsində Xəzər rayonu ərazisində küçə və parkların, məhəllə və binaların abadlaşdırılması və yaşıllıqların salınması işləri uğurla davam etdirilir.
İrimiqyaslı təmizlik və abadlıq işləri çərçivəsində növbəti iməcilik Xəzər Rayon İcra Hakimiyyəti, Bakı Şəhər İcra Hakimiyyətinin Yaşıllaşdırma Təsərrüfatı Birliyi, rayon Mənzil Kommunal Təsərrüfat Birliyinin texnika və işçi qüvvələri cəlb olunmaqla rayonun Buzovna qəsəbəsində aparılmışdır.
Belə ki, Buzovna qəsəbəsinin mərkəzi küçələrindən olan Heydər Eyvazov, Dənizkənarı və Mustafa Subhi küçələrində təmizlik işləri aparılmış, yol boyu vətəndaşlara məxsus fərdi yaşayış evlərinin divarları, hasarları, darvazaları rənglənmiş, işıq dirəklərində olan nasazlıqlar aradan qaldırılmış, yanmayan lampalar yeniləri ilə əvəzlənmiş, ərazidəki qaz kəmərləri rənglənmişdir. Bundan əlavə, qeyd olunan küçələrdə alaq otları vurulmuş, bərk məişət tullantıları daşınılmış, yollar xüsusi süpürən-təmizləyən maşınlardan istifədə edilməklə təmizlənmiş, piyada səkiləri asfaltlanmış, yeni bardürlər düzülmüş və ətrada yeni yaşıllıqlar salınmışdır.

Xəzər rayonunda səhiyyə işçiləri ilə görüş keçirilib

02 sentyabr 2022-ci il tarixində Xəzər rayonu “Xəzər Tibb Mərkəzi”ndə səhiyyə işçiləri ilə görüş keçirilib. Görüşdə Xəzər Rayon İcra Hakimiyyətinin başçısı Elşən Salahov, YAP İdarə Heyətinin üzvü, Millət vəkili Rauf Əliyev, YAP Xəzər Rayon Təşkilatının sədri Namiq Əhmədov iştirak etmişdirlər.

Görüşü YAP Xəzər Rayon Təşkilatının sədri Namiq Əhmədov açaraq, Ulu öndər Heydər Əliyevin səhiyyəyə göstərdiyi diqqət və qayğısından, ölkə Prezidenti cənab İlham Əliyev tərəfindən bu siyasətin uğurla həyata keçirilməsindən, Xəzər rayonun səhiyyəsində əldə edilən uğurlardan ətraflı söz açıb. Ölkəmizdə həyata keçirilən sosial siyasətdən danışan Namiq Əhmədov qəbul olunan qərarlar nəticəsində bu gün vətəndaşların sosial müdafəsinin gücləndirilməsi, əhalinin rifahının yüksəldilməsi istiqamətində əsaslı uğurlar əldə olunduğunu vurğulayıb. O, çıxışını davam etdirərək, uğurlu siyasətin nəticəsi kimi ölkəmizin səhiyyə sahəsində çalışan siyasi fəalların da partiyanın sıralarında çoxluq təşkil etdiyini vurğulayıb.

Xəzər Rayon İcra Hakimiyyətinin başçısı Elşən Salahov dövlətimizin başçısı cənab İlham Əliyevin həyata keçirdiyi ardıcıl və sistemli islahatlar, uğurlu daxili və xarici siyasət nəticəsində ölkəmizin qazandığı nailiyyətlərdən bəhs edib. Ulu Öndər Heydər Əliyevin səhiyyəyə göstərdiyi diqqət və qayğısının bu gün ölkə prezidenti cənab İlham Əliyev tərəfindən uğurla davam etdirildiyini vurğulayan Elşən Salahov səhiyyəyə göstərilən qayğı nəticəsində əldə edilən uğurlardan söz açmış, səhiyyə işçilərinin daim ölkə prezidentini dəstəkləyərək onun həyata keçirdiyi siyasətdə fəal iştirak edəcəyini əminliklə vurğulayıb.

YAP İdarə Heyətinin üzvü, Millət vəkili Rauf Əliyev çıxış edərək bildirib ki, bu gün Azərbaycan ölkə başçısı cənab İlham Əliyevin yorulmaz fəaliyyəti sayəsində dünyanın nüfuz sahibi olan dövlətlərindən biridir. Ölkəmizin uğurları, nailiyyətləri, qələbələri, zəfərləri gündən-günə artmaqda və bunların davamı gəlməkdədir. Heç şübhəsiz ki, bütün bunların mahiyyətində İlham Əliyevin müdrik və uzaqgörən daxili və xarici siyasət kursu, müstəqil dövlət siyasəti dayanır.

Görüş maraqlı diskussiya şəraitində keçib, həkimləri maraqlandıran suallar ətraflı cavablandırılıb.