30 illik işğaldan sonra şanlı ordumuzun və prezident cənab İlham Əliyevin komandanlığı ilə Vətən torpaqları azad edildi.
Xalqımız bu 44 günlük müharibədə düşmənə qələbə çalmaq üçün var qüvvəsi ilə çalışırdı: Hər şey cəbhə üçün, hər şey qələbə üçün! Bu əzmkarlıq bizi zəfərə çatdırdı.
İndi sülh şəraitində Qarabağı yenidən qururuq, xalq, dövlət birlikdə çalışır. Biz bütün imkanlarımızı səfərbər edib cənnət Qarabağı dirçəldirik.
Azərbaycan xalqı sülhsevər, mehriban xalqdır. Elə bu cəhətimiz bizi düşməndən fərqləndirir. Biz inkişaf naminə sülh istəyirik. Harada sülh, əminamanlıq olarsa, orada həyat olar, körpələr sevinər, qurucu insanlar xarüqələr yaradar. Biz ancaq sülh istəyirik, sülh inkişafdır, həyatdır! Vətənini, insanlığı, həyatı sevənlər sülh naminə çalışır. Gələcəyimizin inkişafı sülhdən asılıdır. Müharibə, dava-dalaş heç bir ölkəyə inkişaf, tərəqqi gətirmir . Əksinə, hər tərəf viran olur, iqtisadiyyat dağılır.
Buna görə də Azərbaycan xalqı sülhə səs verir. Ölkəmizdə Prezident cənab İlham Əliyevin 16 iyun tarixdə keçirilmiş 9-cu Qlobal Bakı Forumunda çıxışı buna bariz sübutdur.
Prezidentimizin və Vitse-prezident Mehriban xanım Əliyevanın əzmkarlığı ilə bu sülhə, inkişafa nail oluruq. Onlar çalışırlar ki, ölkəmiz inkişaf etsin, uşaqlarımız, gəncliyimiz firavan böyüsün.

Sabunçu rayonu, 130 saylı tam orta məktəbin
İbtidai sinif müəllimi İradə Abbasova