Ümummilli Lider Heydər Əliyevin Anım günü Daşkəsəndə qeyd olunub

Ümummilli Lider Heydər Əliyevin Anım günü Daşkəsəndə qeyd olunub Dekabrın 12-də Azərbaycan xalqının Ümummilli Lideri, Ulu Öndər Heydər Əliyevin Anım günü münasibəti ilə Daşkəsən rayon İcra hakimiyyətinin başçısı Əhəd Abıyev, rayonun hüquq-mühafizə orqanlarının, idarə, müəssisə və təşkilatların rəhbərləri, şəhid valideynləri, qazilər, rayon YAP fəalları, ictimaiyyət nümayəndələri və sakinlər Ulu Öndər Heydər Əliyevin Daşkəsən şəhərinin mərkəzində ucalan abidəsini ziyarət edib, abidə önünə gül-çiçək dəstələri düzərək xatirəsini anıblar.
Eyni zamanda Daşkəsən rayon Heydər Əliyev Mərkəzinə baş çəkilib, burada Ulu Öndərin həyat və fəaliyyətinin müxtəlif dövrlərinin əks olunduğu foto-stendlərə baxış keçirilib.
Daşkəsən rayon İcra hakimiyyətinin başçısı Əhəd Abıyev Anım günündə deyib: ”Ulu Öndərin Anım gününü qeyd etdiyimiz bu günlər tarixi günlərdir. Ümummilli Liderimizin torpaqlarımızın işğaldan azad olunması istiqamətində əsasını qoyduğu işin Onun layiqli davamçısı möhtərəm Prezidentimiz, Müzəffər Ali Baş Komandanımız cənab İlham Əliyev tərəfindən uğurla başa çatdırılması zəngin dövlətçilik ənənələrinə malik Azərbaycanın ən böyük qələbəsidir. Xalq-iqtidar birliyi şanlı qələbəmizi, Dağlıq Qarabağ münaqişəsinin ölkəmizin ərazi bütövlüyü əsasında həllini təmin etmiş oldu. Ulu Öndər Heydər Əliyevin uca zirvəyə qaldırdığı müasir Azərbaycan bu gün möhtərəm Prezidentimiz cənab İlham Əliyevin müdrik rəhbərliyi altında uğurla inkişaf edir. Ölkəmizin sosial-iqtisadi və mədəni həyatını əhatə edən bütün sahələrdə görülən işlər, insanların sabaha olan inamı, uğurlu nəticələr Ulu Öndərin ruhu qarşısında bir hesabatdır. Heydər Əliyev siyasəti yaşayır və qalib gəlir. Azərbaycanın müstəqilliyi əbədi və dönməzdir. Qarabağ Azərbaycandır”.

Elmar Əliyev – Vüqarlı
Daşkəsən RİHBA-nın İctimai-siyasi və humanitar
məsələlər şöbəsinin müdir müavini


Ümummilli Lider Heydər Əliyevin Anım günü Daşkəsəndə qeyd olunubÜmummilli Lider Heydər Əliyevin Anım günü Daşkəsəndə qeyd olunubÜmummilli Lider Heydər Əliyevin Anım günü Daşkəsəndə qeyd olunubÜmummilli Lider Heydər Əliyevin Anım günü Daşkəsəndə qeyd olunubÜmummilli Lider Heydər Əliyevin Anım günü Daşkəsəndə qeyd olunubÜmummilli Lider Heydər Əliyevin Anım günü Daşkəsəndə qeyd olunubÜmummilli Lider Heydər Əliyevin Anım günü Daşkəsəndə qeyd olunub

Oxşar xəbərlər